Плюса

Плю́са (руск.: Плю́сса)^[2] — рака ў Пскоўскай і Ленінградскай абласцях Расіі, правы прыток ракі Нарва.

Плюса
руск. Плюсса
Характарыстыка
Даўжыня	281 км
Басейн	6 650 км²
Расход вады	46,3[1] м³/с (каля горада Сланцы)
Вадацёк
Выток	Заплюскія азёры
• Каардынаты	58°24′57″ пн. ш. 29°42′18″ у. д.HGЯO
Вусце	Нарва
• Месцазнаходжанне	Нарвенскае вадасховішча
• Каардынаты	59°14′58″ пн. ш. 28°09′15″ у. д.HGЯO
Ухіл ракі	0,14[1] м/км
Размяшчэнне
Водная сістэма	Нарва → Фінскі заліў → Балтыйскае мора
Краіна	Расія
Рэгіёны	Пскоўская вобласць, Ленінградская вобласць
Код у ДВР	01030000412102000026703
выток вусце
Медыяфайлы на Вікісховішчы

Даўжыня ракі 281 км, плошча вадазбору — 6550 км². Сярэдні расход вады каля горада Сланцы складае 46,3^[1] м³/с. Сярэдні аб’ём сцёку 1,461^[1] км³/год. Сярэдні нахіл воднай паверхні 0,14^[1] м/км. Выцякае з т. зв. Заплюскіх азёр і сеткі асушальных каналаў каля пасёлка Заплюссе. Раней пачыналася з Заплюскага возера, якое пасля меліярацыйных работ абмялела і падзялілася на некалькі дробных вадаёмаў, якія пазначаюцца на картах як Заплюскія азёры. Цячэ спачатку пераважна на захад, затым каля пасёлка Добручы паварочвае на поўнач. Упадае ў Нарвенскае вадасховішча на поўнач ад горада Сланцы. Да ўтварэння вадасховішча, упадала непасрэдна ў раку Нарву. Рэчышча Плюсы звілістае, каля горада Сланцы парожыстае^[1]. Берагі ў верхнім і ніжнім цячэнні вышынёй 3—6 м, бліжэй да вусця паніжаюцца^[1]. Замярзае ў лістападзе—снежні, вызваляецца ад лёду ў канцы красавіка — пачатку мая.

Прытокі Плюсы: Амуга, Песнеца, Курэйка, Пагуба, Чорная, Сяберка, Люта, Яня (Яна), Крапівенка, Вейнка, Руя і інш.^[3] Густата рачной сеткі ў басейне ракі 0,64^[1] км/км².

На рацэ горад Сланцы, гарадскі пасёлак Плюса, сяло Ляды і іншыя населеныя пункты.

Зноскі

1. Научно-популярная энциклопедия «Вода России» (руск.)
2. Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 337. — 538 с. — 100 000 экз. (руск.)
3. Река Плюсса (Плюсса-еги) // Государственный водный реестр РФ (руск.)