Помнік Васілю Іванавічу Чапаеву (Гродна)

У паняцця ёсць і іншыя значэнні, гл. Помнік Чапаеву.

Помнік Васілю Іванавічу Чапаеву — помнік у Гродне, прысвечаны герою Грамадзянскай вайны. Размешчаны на скрыжаванні вуліцы Міхася Васілька (у савецкі час вуліца Чапаева) і Карбышава, каля будынка Гродзенскага абласнога суда.

Помнік
Помнік Чапаеву
53°40′52″ пн. ш. 23°50′16″ у. д.HGЯO
Краіна	Беларусь
Месцазнаходжанне	Гродна
Дата заснавання	1981
Дата пабудовы	1981 год

Бюст Чапаева ўсталявалі ў 1981 годзе. Паводле версіі гродзенскага краязнаўцы Віктара Саяпіна, помнік трапіў у Гродна выпадкова. Яго перадалі «ў нагрузку» з будаўнічымі матэрыяламі з украінскага камбіната^[1].

У лютым 2019 года помнік Чапаеву дэмантавалі для рэканструкцыі, прымеркаванай да 75-годдзя Гродзенскай вобласці. Аднак пасля зваротаў грамадзян, Гродзенская абласная мастацка-экспертная рада раіла гарадскім уладам перанесці бюст у музей^[2]. Таксама былі прапановы на месцы бюста Чапаеву размясціць помнік паэту Міхасю Васільку, імя якога цяпер носіць вуліца дзе размяшчаўся помнік^[1].

У жніўні 2020 года ўнучатая пляменніца Васіля Чапаева — Марына Чапаева звярталася да Аляксандра Лукашэнкі з просьбай перадаць помнік у Расію.

У траўні 2022 года бюст Чапаева вярнулі, але размясцілі ў скверы на вуліцы Шчорса, побач вайсковай часці 5522. Побач размяшчаецца помнік іншаму герою Грамадзянскай вайны ў Расіі — Мікалаю Шчорсу^[1].

Помнік Васілю Чапаеву ў Гродне на вуліцы Шчорса

Знос помніка Васілю Чапаеву на вуліцы Васілька ў 2019 годзе

Зноскі

1. Чапаеў вярнуўся ў Гродна. Дзе паставілі помнік, які знялі тры гады таму
2. Гродзенскія ўлады пагадзіліся прыбраць з цэнтра горада бюст Чапаева