Манумент у гонар савецкай маці-патрыёткі (Жодзіна)

Манумент у гонар савецкай маці-патрыёткі — мемарыяльны комплекс у г. Жодзіна Мінскай вобласці. Адкрыты каля шашы Мінск — Масква ў 1975 г. (скульптары А. Заспіцкі, I. Міско, М. Рыжанкоў, архітэктар А. Трафімчук; Дзяржаўная прэмія СССР 1977 г.).

Помнік
Манумент у гонар савецкай маці-патрыёткі
54°06′02″ пн. ш. 28°18′29″ у. д.HGЯO
Краіна	Беларусь
Горад	Жодзіна
Скульптар	А. Заспіцкі, I. Міско, М. Рыжанкоў
Архітэктар	Алег Рыгоравіч Трафімчук
Дата пабудовы	1975 год
Статус	Гісторыка-культурная каштоўнасць Беларусі, шыфр 613Д000574шыфр 613Д000574

Апісанне

Шасціфігурная скульптурная кампазіцыя (з бронзы) выцягнутая па гарызанталі. Фігура маці нібы застыла на двухпрыступкавым пастаменце, а праз сімвалічную дарогу, засаджаную кветкамі, — фігуры яе пяці сыноў (пастаўленыя на больш нізкі пастамент), што пайшлі на вайну. У помніку ўвасоблены драматычны лёс беларускай маці, жыхаркі г. Жодзіна Н. Ф. Купрыянавай  (руск.), усе пяць сыноў якой аддалі жыццё за вызваленне Радзімы ад нямецка-фашысцкіх захопнікаў.

Мемарыяльны комплекс арганічна ўваходзіць у навакольнае асяроддзе.

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 613Д000574

• На Вікісховішчы пакуль няма медыяфайлаў па тэме, але Вы можаце загрузіць іх
• Манумент у гонар савецкай маці-патрыёткі (Жодзіна) на сайце Глобус Беларусі (руск.)