Прыдняпроўская дзяржаўная акадэмія фізічнай культуры і спорту
From Wikipedia, the free encyclopedia
Remove ads
Прыдняпроўская дзяржаўная акадэмія фізічнай культуры і спорту — украінская дзяржаўная вышэйшая навучальная ўстанова спартыўна-педагагічнага профілю, якая знаходзіцца ў Дніпры.
Remove ads
Агульная характарыстыка
Вучэльня ажыццяўляе падрыхтоўку спецыялістаў па ўзроўнях вышэйшай адукацыі бакалаўра і магістра па спецыяльнасцях «Фізічная культура і спорт», «Фізічнае выхаванне» і «Фізічная тэрапія, эргатэрапія». У адукацыйным працэсе задзейнічаны 13 прафесараў, 67 кандыдатаў навук, дацэнтаў. Павышэнне спартыўнага майстэрства забяспечваюць 3 заслужаныя работнікі фізічнай культуры Украіны, 7 заслужаных трэнераў Украіны, 2 заслужаныя майстры спорту, 2 майстры спорту Украіны міжнароднага класа, 28 майстроў спорту Украіны.
Акадэмія праводзіць падрыхтоўку ў аспірантуры па ступені адукацыі доктара філасофіі, дзейнічае спецыялізаваны вучоны савет, у якім адбываецца абарона дысертацый на суісканне ступені па фізічным выхаванні і спорце. Больш за 100 навукоўцаў з больш як 40 устаноў вышэйшай адукацыі, сярод якіх 5 заслужаных трэнераў Украіны, 4 майстры спорту міжнароднага класа, 15 майстроў спорту Украіны, атрымалі ў акадэміі дыпломы кандыдата навук і доктара філасофіі, у тым ліку больш за 40 аспірантаў і суіскальнікаў з самой акадэміі.
Remove ads
Матэрыяльная база
Акадэмія мае ўласную матэрыяльна-тэхнічную базу, якая ўключае: два навучальныя корпусы, спартыўныя комплексы «Славуціч» з закрытым плавальным басейнам і лёгкаатлетычны манеж «Алімп», стадыён, воднаспартыўную базу на Дняпры. Навучальны працэс праводзіцца ў 4 лекцыйных залах, забяспечаных аўдыё- і відэатэхнікай, 47 аўдыторыях, у тым ліку ў 14 метадычных кабінетах. Спартыўнае майстэрства павышаюць у вучэбна-трэніровачных залах спартыўных гульняў, барацьбы, гімнастыкі, бокса, трэнажорнай зале, на футбольным полі.
Агульная плошча памяшканняў складае 33 тыс. м², з іх выкарыстоўваецца ў навучальным працэсе 23 тыс. м², у тым ліку плошча вучэбна-лабараторных памяшканняў (лекцыйныя залы, аўдыторыі, спартыўныя залы, лабараторыі) — 2,5 тыс. м².
Прафесійна-практычная падрыхтоўка ажыццяўляецца ў 9 спартыўных залах агульнай плошчай 3 тыс. м², у лёгкаатлетычным манежы са штучным пакрыццём, у плавальным басейне, на стадыёне з футбольным полем, на воднаспартыўнай базе.
Акадэмія мае студэнцкі інтэрнат кватэрнага тыпу на 500 месцаў. Дыспансерызацыю студэнты праходзяць у камунальнай установе «Абласны ўрачэбна-фізкультурны дыспансер». Медыцынскую дапамогу студэнтам аказвае камунальная ўстанова «Студэнцкая бальніца № 18».
Remove ads
Структура
- Факультэт фізічнай культуры і спорту
- Факультэт фізічнага выхавання
- Факультэт фізічнай рэабілітацыі
Спасылкі
- Афіцыйны сайт установы
На Вікісховішчы пакуль няма медыяфайлаў па тэме, але Вы можаце загрузіць іх
Wikiwand - on
Seamless Wikipedia browsing. On steroids.
Remove ads