Лебядзянкаўскі сельсавет

Лебядзя́нкаўскі сельсавет — адміністрацыйна-тэрытарыяльная адзінка ў складзе Бялыніцкага раёна Магілёўскай вобласці Беларусі. Цэнтр — вёска Лебядзянка.

Лебядзянкаўскі сельсавет
Краіна	Беларусь
Уваходзіць у	Бялыніцкі раён
Уключае	18 населеных пунктаў
Адміністрацыйны цэнтр	Лебядзянка
Дата ўтварэння	20 жніўня 1924
Насельніцтва (2019)	893
Часавы пояс	UTC+03:00
Код аўтам. нумароў	6
Афіцыйны сайт

Гісторыя

Утвораны 20 жніўня 1924 года як Прыхабскі сельсавет у складзе Бялыніцкага раёна Магілёўскай акругі БССР. Цэнтр — вёска Прыхабы. Пасля скасавання акруговай сістэмы 26 ліпеня 1930 года ў Бялыніцкім раёне БССР, з 20 лютага 1938 года — Магілёўскай вобласці. 11 красавіка 1960 года да сельсавета далучана частка скасаванага Трылесінскага сельсавета (5 населеных пунктаў: Звязда, Краснае, Свяцілавічы 1-я, Свяцілавічы 2-я, Студзёнка), у склад Вішоўскага сельсавета перададзены 6 населеных пунктаў (Лямніца, Малінаўка, Масцішча, Мікалаеўка, Паўлінка і Пральня), цэнтр сельсавета перанесены ў вёску Лебядзянка, сельсавет перайменаваны ў Лебядзянкаўскі^[1]. 23 жніўня 1968 года скасаваны пасёлак Каменка^[2], у сакавіку 1977 года — вёска Брэнькаў (далучана да пасёлка Старое Ляда)^[3], 20 ліпеня 2015 года — пасёлак Мезінец^[4].

Насельніцтва

Насельніцтва сельсавета паводле перапісу 2009 года — 1137 чалавек^[5], з іх 97,8 % — беларусы, 1,5 % — рускія, 0,4 % — украінцы^[6]; паводле перапісу 2019 года — 893 чалавекі^[7].

Зноскі

1. Рашэнне выканкома Магілёўскага абласнога Савета дэпутатаў працоўных ад 11 красавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 10.
2. Рашэнне выканкома Магілёўскага абласнога Савета дэпутатаў працоўных ад 23 жніўня 1968 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1968, № 29 (1223).
3. Рашэнні выканкома Магілёўскага абласнога Савета дэпутатаў працоўных ад 15 і 29 сакавіка 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1977, № 15 (1533).
4. Решение Белыничского районного Совета депутатов от 20 июля 2015 г. № 14-5 Об упразднении сельских населенных пунктов Белыничского района
5. Насельніцтва населеных пунктаў Магілёўскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Насельніцтва населеных пунктаў Магілёўскай вобласці Беларусі паводле перапісу 2019 года