Пётр Васілевіч Каймакоў

Пётр Васілевіч Каймако́ў^[1] (руск.: Пётр Васильевич Каймаков; 17 студзеня 1894 — 1973) — вучоны ў галіне ветэрынарнай медыцыны, доктар ветэрынарных навук (1956), прафесар (1958).

Пётр Васілевіч Каймакоў
руск.: Пётр Васильевич Каймаков
Дата нараджэння	17 студзеня 1894(1894-01-17)
Месца нараджэння	Коржаўка[d], Коржаўская воласць[d], Карсунскі павет[d], Сімбірская губерня, Расійская імперыя
Дата смерці	1973
Грамадзянства	Расійская імперыя  СССР
Род дзейнасці	навуковец, выкладчык універсітэта
Навуковая сфера	ветэрынарыя
Месца працы	Усерасійскі навукова-даследчы ветэрынарны інстытут[d] Казанскі ветэрынарны інстытут[d] Віцебская дзяржаўная акадэмія ветэрынарнай медыцыны
Навуковая ступень	доктар ветэрынарных навук (1956)
Альма-матар	Казанскі ветэрынарны інстытут[d]

Біяграфія

Нарадзіўся ў сяле Коржаўка Коржаўскай воласці Корсунскага павета Сімбірскай губерні (зараз у Інзенскім раёне Ульянаўскай вобласці Расіі). У 1926 годзе скончыў Казанскі ветэрынарны інстытут (сучасная Казанская дзяржаўная акадэмія ветэрынарнай медыцыны). З 1935 года ў Казанскім навукова-даследчым ветэрынарным інстытуце, з 1937 года ў Казанскім ветэрынарным інстытуце. У 1942 годзе абараніў кандыдацкую дысертацыю, у 1955 годзе доктарскую на тэму «Определение функционального состояния печени путём применения ретракции кровяного сгустка, для установления нарушения в организме животных». З 1955 года П. В. Каймакоў у Віцебскім ветэрынарным інстытуце, у 1955—1961 гадах на пасадзе загадчыка кафедрай.

Навуковая дзейнасць

П. В. Каймакову належаць навуковыя працы па этыялогіі, патагенезе, тэрапіі і прафілактыцы хвароб сельскагаспадарчых жывёл, функцыянальнай дыягностыцы хвароб печані.