Пётр Васілевіч Касцючык

Пётр Васілевіч Касцючык^[1] (верасень 1923, в. Рыбцы — 15 студзеня 1945) — удзельнік Вялікай Айчыннай вайны, радавы. Герой Савецкага Саюза (1945).

Пётр Васілевіч Касцючык
Дата нараджэння	верасень 1923
Месца нараджэння	Рыбцы, Пярэжырская воласць, Ігуменскі павет, Беларуская ССР, СССР
Дата смерці	15 студзеня 1945(1945-01-15) (21 год)
Месца смерці	Nowy Marianów[d], Гміна Гнявошаў, Казяніцкі павет, Польшча
Месца пахавання	Польшча
Грамадзянства	СССР
Прыналежнасць	СССР
Род войскаў	пяхота
Гады службы	1944—1945
Званне	радавы
Бітвы/войны	Вялікая Айчынная вайна
Узнагароды і званні

У Вікіпедыі ёсць артыкулы пра іншых людзей з прозвішчам Касцючык.

Біяграфія

П. В. Касцючык нарадзіўся ў вёсцы Рыбцы Рудзенскага раёна Мінскай губерні (зараз у Пухавіцкім раёне Мінскай вобласці Беларусі). Скончыў школу, працаваў у калгасе. У Чырвоную Армію прызваны ў ліпені 1944 г. На фронце з верасня 1944 г.

Тэлефаніст узвода сувязі 218-га гвардзейскага стралковага палка (77-я гвардзейская стралковая дывізія, 69-я армяя, 1-ы Беларускі фронт) гвардыі чырвонаармеец П. В. Касцючык вызначыўся ў баі на тэрыторыі Польшчы. 14 студзеня 1945 г. у раёне населенага пункта Новы-Марануў пад агнём праціўніка выправіў 46 пашкоджанняў лініі сувязі, гранатамі знішчыў агнявую кропку праціўніка. 15 студзеня ў крытычны момант бою закрыў сваім целам амбразуру варожага дзота.

Узнагароды

• Медаль «Залатая Зорка».
• Ордэн Леніна.

Зноскі

1. Прозвішча Касцючык (руск.: Костючик) у адпаведнасці з Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш.. — Мн.: БелЭн, 1999. — Т. 8. — С. 164. — 576 с. — 10 000 экз. — ISBN 985-11-0144-3. Таксама сустракаецца Касцючак (руск.: Костючек)