Пётр Міхайлавіч Хамянтоўскі

Пётр Міхайлавіч Хамянтоўскі (28 чэрвеня 1819, Равуча, цяпер Талачынскі раён, Віцебская вобласць — 13 лістапада 1900) — расійскі ваенны дзеяч, генерал-лейтэнант (1870), генерал ад інфантэрыі (1887).

Пётр Міхайлавіч Хамянтоўскі
Дата нараджэння	28 чэрвеня 1819(1819-06-28)
Месца нараджэння	Халяпінка[d], Талачынскі раён, Беларусь
Дата смерці	13 лістапада 1900(1900-11-13) (81 год)
Месца пахавання	Халяпінка[d]
Бацька	Міхаіл Якаўлевіч Хамянтоўскі[d]
Прыналежнасць	Расійская імперыя
Род войскаў	пяхота
Званне	генерал ад інфантэрыі, генерал-маёр і генерал-лейтэнант
Бітвы/войны	Q117406977?
Узнагароды і званні

Біяграфія

Яго дзяцінства прайшло ў радавым маёнтку Халяпінка Талачынскага раёна. Бацька — генерал-маёр М. Я. Хамянтоўскі, дзядзька — генерал-маёр Ф. Я. Хамянтоўскі.

Пасля заканчэння Пажаскага корпуса ў Пецярбургу ў 1837 годзе праходзіў службу ў лейб-гвардзейскім Ізмайлаўскім палку.

Пасля ўдзелу ў Севастопальскай кампаніі ў званні маёра служыў у інтэнданцкім кіраванні (Польша).

У 1862 годзе асабістым указам Аляксандра II быў прызначаны начальнікам інтэнданцкага кіравання Варшаўскай ваеннай акругі. Генерал пяхотных войскаў (1863).

У 1870 годзе стаў генерал-лейтэнантам і быў пераведзены на службу ў Ваеннае міністэрства ў Пецярбургу.

У апошнія гады жыцця служыў дырэктарам канцылярыі Марскога міністэрства, меў грамадзянскі чын ІІІ класа — тайны саветнік. Выконваў абавязкі чыноўніка вышэйшага рангу. З 1879 года лічыўся ў Запасных войсках. У 1887 годзе ўзведзены ў генералы ад інфантэрыі.

Памёр 13 лістапада 1900 года і пахаваны ў маёнтку Халяпінка на радавых могілках^[1].

Узнагароды

• Кавалер ордэна «Знак Отличия» (за гераічную абарону Севастопаля)
• ордэн Белага арла (1857)
• ордэн Залатой табакеркі з вензелем Яго Імператарскай Вялікасці (1878)
• ордэн святога Аляксандра Неўскага (1879)

Зноскі

1. Хамянтоўскі Пётр Міхайлавіч