Пётр Паўлавіч Альбядзінскі

Пётр Паўлавіч Альбядзінскі (руск.: Пётр Павлович Альбединский; 4 верасня 1826(1826-09-04), Масква — 19 мая 1883(1883-05-19), Варшава) — генерал-ад’ютант, генерал ад кавалерыі, кіраўнік прыбалтыйскіх (1866—1870) і літоўскіх (1874—1880) губерняў, варшаўскі генерал-губернатар (1880—1883).

Пётр Паўлавіч Альбядзінскі
Нараджэнне	4 верасня 1826(1826-09-04) Масква, Маскоўская губерня, Расійская імперыя
Смерць	19 мая 1883(1883-05-19) (56 гадоў) Варшава, Царства Польскае, Расійская імперыя
Месца пахавання	Казанскія могілкі[d]
Бацька	Pavel Albedinsky[d]
Маці	Natalya Bagration[d]
Жонка	Alexandra Albedinskaya[d]
Адукацыя	Пажаскі корпус
Прыналежнасць	Расійская імперыя
Званне	Генерал ад кавалерыі
Камандаваў	Лейб-гвардыі конна-грэнадзерскі полк
Бітвы	Рэвалюцыя 1848—1849 гадоў у Венгрыі
Узнагароды
Медыяфайлы на Вікісховішчы

Біяграфія

Нарадзіўся ў 1826 годзе ў Маскве ў дваранскай сям’і.

Скончыў Пажаскі корпус (1843). Удзельнік баёў з горцамі на Каўказе, Крымскай вайны (1853—56). Займаўся ваенна-дыпламатычнай дзейнасцю, ажыццяўленнем ваенных рэформаў 1860—70-х гадоў. У 1866-70 гадах ліфляндскі, эстляндскі і курляндскі генерал-губернатар, камандуючы войскамі Рыжскай ваеннай акругі.

22 ліпеня 1874 года заняў пасаду Віленскага, Ковенскага і Гродзенскага генерал-губернатара і камандуючага войскамі Віленскай ваеннай акругі, і, застаючыся на гэтых пасадах да 1880 года, быў праведзены 16 красавіка 1878 года ў генералы ад кавалерыі. Разглядаў мясцовых памешчыкаў як сацыяльную апору самадзяржаўя, дазволіў выданне і распаўсюджванне кніг на польскай мове, аслабіў ганенні на каталіцкую царкву ў краі.

18 мая 1880 года адбылося прызначэнне Альбядзінскага варшаўскім генерал-губернатарам і камандуючым войскамі Варшаўскай ваеннай акругі, а 1 студзеня наступнага года ён прызначаны членам Дзяржаўнага савета.

Памёр у 1883 годзе ў Варшаве, пахаваны ў Царскім Сяле на Казанскіх могілках.