Пётр Пятровіч Качура

У Вікіпедыі ёсць артыкулы пра іншых людзей з прозвішчам Качура.

Пётр Качура (2 жніўня 1972, Орша) — беларускі футбаліст (нападнік) і трэнер. Выступаў за нацыянальную зборную Беларусі (1994—2002).

Пётр Качура
Агульная інфармацыя
Поўнае імя	Пётр Пятровіч Качура
Нарадзіўся	2 жніўня 1972(1972-08-02)[1] (52 гады) Орша, Віцебская вобласць, Беларуская ССР, СССР
Грамадзянства	Беларусь
Рост	184 см
Вага	76 кг
Пазіцыя	нападнік
Клубная кар’ера[* 1]
1989—1991 Дынама (Мінск) 4 (0) 1992—1993 Дынама-93 (Мінск) 61 (28) 1994—1996 Дынама (Мінск) 60 (52) 1996—2000 Шэфілд Юнайтэд 95 (19) 2000 Чэнду 19 (5) 2001—2002 Дынама (Мінск) 29 (16) 2002—2005 Сокал (Саратаў) 82 (24) 2005 Дынама (Мінск) 1 (0)
Нацыянальная зборная[* 2]
1994—2002 Беларусь 29 (5)
Трэнерская кар’ера
2006 Дынама (Мінск) трэнер 2006—2007 Дынама (Мінск) 2010—2011 Нёман (Гродна) трэнер 2012 Дынама-2 (Мінск) 2013 Дынама (Мінск) дубль 2013—2014 Бяроза-2010 трэнер 2014 Хайр (Вахдат) 2016 Дынама (Мінск) трэнер 2017 Ліда 2020—2022 Энергетык-БДУ (Мінск) трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 1 лютага 2022. Колькасць гульняў і галоў за нацыянальную зборную ў афіцыйных матчах

Кар’ера футбаліста

Клубная

Пачынаў кар’еру ў мінскім «Дынама», пазней гуляў за «Дынама-93». У 1994 годзе вярнуўся ў «Дынама» ў якасці асноўнага нападніка, стаў найлепшым бамбардзірам чэмпіянату 1993/94.

У ліпені 1996 года перайшоў у англійскі «Шэфілд Юнайтэд» за 650,000 фунтаў стэрлінгаў. Быў прызнаны найлепшым іграком «Шэфілд Юнайтэд» за 1997 год. Усяго за англійскі клуб правёў 95 матчаў, забіў 19 галоў.

Пакінуў Шэфілд у сакавіку 2000 года. Пасля гуляў у Кітаі і Расіі. Завяршыў кар’еру ў 2005 годзе ў складзе мінскага «Дынама».

Міжнародная

На працягу 1994—2002 гадоў выступаў за нацыянальную зборную Беларусі.

Кар’ера трэнера

Пасля завяршэння кар’еры іграка застаўся працаваць у «Дынама» ў якасці трэнера. У лістападзе 2006 года быў прызначаны галоўным трэнерам мінскага клуба, але ўжо ў красавіку 2007 года, пасля правальнага кубкавага матча (паражэнне 0:3 ад «Нёмана») быў адстаўлены. Пазней працаваў у гродзенскім «Нёмане».

З 2012 года зноў працаваў у «Дынама» ў якасці галоўнага трэнера другой каманды^[2]. У жніўні 2013 года быў адхілены ад кіравання дынамаўскім дублем^[3] і перайшоў на працу ў «Бярозу-2010».

У чэрвені 2014 года стаў галоўным трэнерам клуба «Хайр» з Таджыкістана^[4]. У 2015 годзе вярнуўся ў Беларусь, узначальваў юнацкую каманду мінскага «Дынама», а ў студзені 2016 года ўвайшоў у селекцыйны аддзел клуба^[5], таксама ў першай палове 2016 года быў трэнерам у штабе Вука Рашавіча. У лістападзе 2016 года стала вядома, што Качура пакіне «Дынама»^[6].

У студзені 2017 года стаў галоўным трэнерам «Ліды»^[7]. Пад кіраўнітцвам Качуры лідскі клуб скончыў першую палову сезона 2017 на 13-м месцы ў табліцы з 16. У ліпені таго ж года пакінуў пасаду ў сувязі з працаўладкаваннем у іншым месцы^[8].

У верасні 2020 года ўвайшоў у трэнерскі штаб «Энергетыка-БДУ»^[9]. У студзені 2022 года пакінуў клуб і перайшоў на працу з юнакамі ў акадэміі расійскага клуба «Сочы»^[10].

У студзені 2015 года атрымаў трэнерскую ліцэнзію катэгорыі PRO^[11].

Дасягненні

Ігравыя

• 01 Залаты прызёр чэмпіянату Беларусі (3): 1993/94, 1994/95, 1995
• 02 Срэбраны прызёр чэмпіянату Беларусі: 2001
• 03 Бронзавы прызёр чэмпіянату Беларусі: 1992/93
• Уладальнік Кубка Беларусі: 1994
• Найлепшы бамбардзір чэмпіянату Беларусі: 1993/94 (21 гол)

Трэнерскія

• 02 Срэбраны прызёр чэмпіянату Таджыкістана: 2014