Пітэр дэ Хох

Пітэр дэ Хох ці дэ Хоох (нідэрл. Pieter de Hooch, Hoogh або Hooghe; 20 снежня 1629, Ратэрдам — 24 сакавіка 1684, Амстэрдам) — галандскі жывапісец, які, як і яго сучаснік Вермеер, спецыялізаваўся на маляванні паўсядзённых інтэр’ераў. Аб жыцці гэтага найвядомага майстра жанравага жывапісу захавалася вельмі мала звестак.

Пітэр дэ Хох
нідэрл.: Pieter de Hooch
Дата нараджэння	20 снежня 1629(1629-12-20)[1]
Месца нараджэння	Ротэрдам, абшчына Ротэрдам[d], Паўднёвая Галандыя, Нідэрланды, Каралеўства Нідэрландаў[2][3]
Дата смерці	24 сакавіка 1684(1684-03-24)[4] (54 гады) ці 1683[5]
Месца смерці	Амстэрдам, графства Галандыя, Рэспубліка Злучаных правінцый[6][3]
Грамадзянства	Рэспубліка Злучаных правінцый[7]
Род дзейнасці	мастак, архітэктурны чарцёжнік
Жанр	жанравы жывапіс[8], пейзаж, бытавы жанр[2] і партрэт[2]
Мастацкі кірунак	барока і Залаты век галандскага жывапісу[d][9]
Уплыў	Нікалас Пітэрс Берхем і Ludolf de Jongh[d]
Уплыў на	Hendrick van der Burgh[d]
Медыяфайлы на Вікісховішчы

Біяграфія

Дэ Хох, сын муляра і павітухі, належаў да нізоў галандскага грамадства. З 1645 па 1647 год ён праходзіў навучанне ў Нікаласа Берхема ў Харлеме. У 1650 годзе дэ Хох далучыўся да купца Юстуса дэ ла Гранжа, разам з якім ездзіў у Лейдэн, Гаагу і Дэлфт, дзе ён пасяліўся ў 1652 годзе. У вопісе маёмасці дэ ла Гранжа згадваецца 11 палотнаў дэ Хоха. У маладосці ён, як і іншыя мастакі сярэдзіны стагоддзя, працаваў над грубаватымі жанравымі сцэнкамі, часцяком яны паказваюць салдат у карчмах і на стайнях. У гэты час ён знаходзіўся пад уплывам творчасці Карэла Фабрыцыуса і Нікаласа Маса.

У 1654 годзе ажаніўся з Янецье ван дэр Бюрх, якая нарадзіла яму пасля 7 дзяцей.

У 1655 г. быў прыняты ў мясцовую гільдыю мастакоў.

Каля 1658 г. стыль дэ Хоха змяніўся, і адкрыўся найбольш значны перыяд яго творчасці. Па тонкасці пісьма і геаметрычнай дакладнасці кампазіцыйнага разліку яго творы маюць шмат агульнага з працамі Вермеера.

Зноскі

1. abART Праверана 1 красавіка 2021.

   <a href='https://wikidata.org/wiki/Track:Q107456632'></a>
2. RKDartists

   <a href='https://wikidata.org/wiki/Track:Q17299517'></a>
3. abART

   <a href='https://wikidata.org/wiki/Track:Q107456632'></a>
4. Pieter de Hooch // abART Праверана 9 кастрычніка 2017.

   <a href='https://wikidata.org/wiki/Track:Q107456632'></a>
5. http://kmska.be/collection/work/data/qgyp8t Праверана 6 мая 2024.
6. Union List of Artist Names

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>
7. artist list of the National Museum of Sweden — 2016. Праверана 27 лютага 2016.

   <a href='https://wikidata.org/wiki/Track:Q16323066'></a><a href='https://wikidata.org/wiki/Track:Q22681075'></a>
8. National Gallery of Art - Collection

   <a href='https://wikidata.org/wiki/Track:Q107325248'></a>
9. http://udspace.udel.edu/handle/19716/10153