П’ер Паала Пазаліні

П’ер Па́ала Пазаліні (італ.: Pier Paolo Pasolini; 5 сакавіка 1922, Балоння, Італія — 2 лістапада 1975, Осція, Італія) — італьянскі паэт, пісьменнік і кінарэжысёр.

П'ер Паала Пазаліні
Pier Paolo Pasolini
Дата нараджэння	5 сакавіка 1922(1922-03-05)[1][2][…]
Месца нараджэння	Балоння, Італія[1][3]
Дата смерці	2 лістапада 1975(1975-11-02)[2][4][…] (53 гады)
Месца смерці	Осція[d], Рым, правінцыя Рым, Лацыа, Італія
Грамадзянства	Італія
Адукацыя	Liceo Luigi Galvani[d] Балонскі ўніверсітэт
Прафесія	паэт, пісьменнік і кінарэжысёр
Кірунак	артхаус і неарэалізм[d]
Узнагароды	прэмія Віярэджа[d] (1957) Best Screenplay Award (Cannes Film Festival)[d] Гран-пры (Канскі кінафестываль) Nastro d'Argento for the director of the best film[d] Nastro d'Argento for Best Subject[d] Jussi Awards[d] (1968) Kinema Junpo[d] Сан Жордзі (кінапрэмія) прэмія Вялікага журы (1964) Сярэбраны мядзведзь[d] (1971) Crotone Prize[d] (1959)
IMDb	0001596
Медыяфайлы на Вікісховішчы

Сімпатыі да марксізму і камунізму, нетрадыцыйная сэксуальная арыентацыя знаходзілі адлюстраванне ў яго літаратурных і кінематаграфічных творах, у якіх ён выказваўся на тэмы палітыкі, рэлігіі і ідэалогіі, эпатуючы публіку арыгінальным прачытаннем класічных міфаў і парадаксальным чынам спалучаючы марксізм з вучэннем Хрыста і чалавечай сэксуальнасцю ў самых разнастайных і нечаканых яе праявах. Жорстка забіты за свае погляды.

Гібель

Раніцай 2 лістапада 1975 году цела П’ера Паала Пазаліні знайшлі ў лужыне крыві. У яго былі пераламаныя 10 рэбраў, раздушанае сэрца, разбітая сківіца, зламаная левая рука і напалову выдраныя вушы. Па яго целе некалькі разоў праехала машына. 17-гадовы Піна Пелозі быў арыштаваны і асуджаны за гэтае забойства, але 7 траўня 2005 адмовіўся ад свайго добраахвотнага прызнання, і расследаванне было адноўленае. Злачынства ўчынілі чатыры забойцы, а не адзін Пелозі. Паводле дадзеных часопіса Oggi, акрамя Пелозі ў забойстве Пазаліні ўдзельнічалі яшчэ два падлеткі, браты Франка і Джузэпэ Барселіна, якія пасля памерлі ад СНІДу. Асоба чацвертага зламысніка не высветленая. Гэтае злачынства лічыцца адной з самых загадкавых таямніц Італіі XX стагоддзя^[5].

Фільмаграфія

Мастацкія фільмы

• 1961 — Акатоне / Accattone
• 1962 — Мама Рома / Mamma Roma
• 1964 — Евангелле ад Матфея / Il Vangelo secondo Matteo
• 1966 — Птушкі вялікія і малыя / Uccellacci e uccellini
• 1967 — Цар Эдып / Edipo re
• 1968 — Тэарэма / Teorema
• 1969 — Свінарнік / Porcile
• 1969 — Медэя / Medea
• 1971 — Дэкамерон / Il Decameron
• 1972 — Кентэрберыйскія аповеды / Racconti di Canterbury
• 1974 — Кветка тысяча адной начы / Il fiore delle mille e una notte
• 1975 — Сала, альбо 120 дзён Садома / Salò o le 120 giornate di Sodoma

Беларускія пераклады

Асобныя вершы пераклаў на беларускую мову Васіль Хомчанка^[6].