Радзіслаў Уладзіміравіч Арлоўскі

У Вікіпедыі ёсць артыкулы пра іншых людзей з прозвішчам Арлоўскі.

Радзіслаў Уладзіміравіч Арлоўскі (нар. 9 сакавіка 1970, Краснадар, СССР) — савецкі і беларускі футбаліст, трэнер.

Радзіслаў Арлоўскі
Поўнае імя	Радзіслаў Уладзіміравіч Арлоўскі
Нарадзіўся	9 сакавіка 1970(1970-03-09)[1] (55 гадоў) Краснадар, Краснадарскі край, РСФСР, СССР
Грамадзянства	СССР  Беларусь
Рост	177 см
Вага	74 кг
Пазіцыя	паўабаронца
Клубная кар’ера[* 1]
1987—1988 Нарт (Чаркеск) 24 (0) 1989 Будаўнік (Старыя Дарогі) ? (5) 1990—1991 Дынама (Мінск) 1 (0) 1992—1995 Дынама (Мінск) 50 (8) 1995—1996 Дынама-93 (Мінск) 40 (11) 1997—2000 Тарпеда (Масква) 109 (8) 1998—2000 →  Тарпеда-Д (Масква) 5 (0) 2001 Факел (Варонеж) 25 (2) 2002 Металург (Ліепая) 5 (0) 2002 Зорка-ВА-БДУ (Мінск) 8 (3) 2003—2004 Змена (Мінск) 30 (7)
Нацыянальная зборная[* 2]
1992—2000 Беларусь 26 (2)
Трэнерская кар’ера
2010—2011 Дынама (Мінск) трэнер 2019 Дынама (Мінск) трэнер 2019 Дынама (Мінск) в. а. 2019—2021 Дынама (Мінск) дубль 2021—2022 Дынама (Мінск) трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах

Клубная кар’ера

Пачынаў кар’еру ў чаркескім «Нарце». Сезон 1989 правёў у старадарожскім «Будаўніку», а ў 1990 годзе перайшоў у мінскае «Дынама». За гады ў складзе бела-блакітных адгуляў 73 матчы, у якіх забіў 17 галоў^[2]. У перыяд 1995—1996 гадоў выступаў за «Дынама-93».

У 1997 годзе перайшоў у маскоўскае «Тарпеда». Сезон 2001 правёў у варонежскім «Факел», пасля далучыўся да ліепайскага «Металурга». У 2002 годзе вярнуўся ў Беларусь, папоўніўшы склад «Зоркі-ВА-БДУ». У 2003—2004 гадах гуляў у Другой лізе за мінскую «Змену», пасля чаго завяршыў кар’еру.

Трэнерская кар’ера

У 2010—2011 гадах быў памочнікам галоўнага трэнера мінскага «Дынама». З 2015 года працаваў з юнацкімі камандамі клуба. У пачатку 2019 года ўвайшоў у трэнерскі штаб Рамана Піліпчука ў галоўнай камандзе, а пасля яго адстаўкі ў канцы мая стаў выканаўцам абавязкаў галоўнага трэнера на матч з «Віцебскам»^[3].

Пазней стаў памочнікам Арцёма Чалядзінскага ў дублі «Дынама». З чэрвеня 2021 года, калі Чалядзінскі быў прызначаны выканаўцам абавязкаў галоўнага трэнера асноўнай каманды, стаў яму дапамагаць і ў асноўнай камандзе. Са снежня 2021 года, калі Чалядзінскі быў зацверджаны ў якасці галоўнага трэнера, сканцэнтраваўся на працы ў асноўнай камандзе. Пасля прызначэння ў канцы 2022 года новым галоўным трэнерам дынамаўцаў Вадзіма Скрыпчанкі не трапіў у яго штаб^[4].

У жніўні 2023 года атрымаў трэнерскую ліцэнзію катэгорыі PRO^[5].

Дасягненні

• 01 Чэмпіён Беларусі (4): 1992, 1992/93, 1993/94, 1994/95
• 03 Бронзавы прызёр чэмпіянату Беларусі: 1995
• Уладальнік Кубка Беларусі (2): 1992 1994
• Пераможца Другой лігі чэмпіянату Беларусі: 2004
• 03 Бронзавы прызёр чэмпіянату Расіі: 2000