Рака (возера)

Ра́ка — возера ў Беларусі, у Браслаўскім раёне Віцебскай вобласці ў басейне ракі Друйка, за 5 км на захад ад горада Браслаў, каля вёскі Зарачча. Належыць да групы Браслаўскіх азёр і знаходзіцца на тэрыторыі Нацыянальнага парка «Браслаўскія азёры».

Рака
Морфаметрыя
Вышыня над узроўнем мора	131 м
Даўжыня	3 км
Шырыня	0,76 км
Плошча	0,83 км²
Аб’ём	0,00487 км³
Даўжыня берагавой лініі	7,3 км
Найбольшая глыбіня	17 м
Басейн
Плошча вадазбору	116 км²
Упадаюць	ручаі
Выцякаюць	Рака
Размяшчэнне
Краіна	Беларусь
Рэгіён	Віцебская вобласць
Рака
Рака

Плошча паверхні 0,83 км². Найбольшая глыбіня 17 м. Даўжыня 3 км, найбольшая шырыня 0,76 км. Даўжыня берагавой лініі 7,3 км. Аб’ём вады 4,87 млн м³. Плошча вадазбору 116 км².
Катлавіна возера лагчыннага тыпу, выцягнутая з паўночнага ўсходу на паўднёвы захад і складаецца з двух плёсаў. Схілы катлавіны вышынёй да 18 м, параслі хмызняком, у верхняй частцы разараныя, усходнія і заходнія тэрасаваныя (вышыня тэрасы 3—3,5 м). Берагі зліваюцца са схіламі катлавіны, на поўначы возера нізкія, забалочаныя. Дно ілістае, у прыбярэжнай частцы пясчанае.

Возера зарастае слаба. Уздоўж берагоў паласа надводнай расліннасці шырынёй да 8 м. Упадаюць ручаі з азёр Рожава, Бужа і Мізерышкі; выцякае рака Рака (злучае яго з возерам Дрывяты).

У возеры водзяцца акунь, лешч, плотка, карась, гусцяра, лінь, мянтуз, судак і іншыя віды рыб. У 2008 годзе зарыблялася шчупаком^[1].

Зноскі

1. Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 9. — 72 с. — 10 000 экз. — ISBN 978-985-508-136-5. (руск.)