Рожава (возера)

У паняцця ёсць і іншыя значэнні, гл. Рожава.

Ро́жава^[1] — возера ў Беларусі, у Браслаўскім раёне Віцебскай вобласці ў басейне ракі Друйка, за 8 км на паўднёвы захад ад горада Браслаў на ўсход ад вёскі Рожава.

Рожава
Морфаметрыя
Вышыня над узроўнем мора	137,8 м
Даўжыня	1,1 км
Шырыня	0,73 км
Плошча	0,51 км²
Аб’ём	0,00295 км³
Даўжыня берагавой лініі	3,15 км
Найбольшая глыбіня	9,4 м
Сярэдняя глыбіня	5,8 м
Гідралогія
Салёнасць	0,21—0,22 ‰
Празрыстасць	3 м
Басейн
Плошча вадазбору	3,3 км²
Упадаюць	ручаі
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Рожава
Рожава

Плошча паверхні возера 0,51 км², даўжыня 1,1 км, найбольшая шырыня 0,73 км, даўжыня берагавой лініі 3,15 км. Найбольшая глыбіня складае 9,4 м, сярэдняя 5,8 (5,1^[2]) м. Плошча вадазбору 3,3 км². Аб’ём вады 2,95 млн м³.
Катлавіна возера тэрмакарставага тыпу. Схілы катлавіны вышынёй да 8 метраў, на захадзе, поўначы і ўсходзе абразійныя. Берагі зліваюцца са схіламі катлавіны возера, у асобных месцах нізкія. Дно возера ў прыбярэжнай частцы пясчанае, глыбей — ілістае.
Возера эўтрофнае, слабапраточнае. Зарастае слаба. Да глыбіні 4—4,5 м растуць рдзесты, рагаліснік, харавыя водарасці. У Рожава ўпадаюць ручаі і выцякае ручай у возера Рака.

Зноскі

1. БелЭн 2001.
2. Морфометрические параметры озёр Витебской области // Справочник «Водные объекты Республики Беларусь» (нявызн.)(недаступная спасылка). Архівавана з першакрыніцы 8 сакавіка 2021. Праверана 5 сакавіка 2021.