Раснянскі сельсавет (Сенненскі раён)

У паняцця ёсць і іншыя значэнні, гл. Раснянскі сельсавет.

Расня́нскі сельсавет — былая адміністрацыйна-тэрытарыяльная адзінка ў складзе Сенненскага раёна Віцебскай вобласці Беларусі. Адміністрацыйны цэнтр — вёска Расна.

Раснянскі сельсавет
Краіна	Беларусь
Уваходзіць у	Сенненскі раён
Уключае	22 населеныя пункты
Адміністрацыйны цэнтр	Расна
Дата ўтварэння	20 жніўня 1924
Дата скасавання	8 красавіка 2004
Насельніцтва	951 чал. (1999)
Часавы пояс	UTC+03:00
Код аўтам. нумароў	2

Утвораны 20 жніўня 1924 года як Раснянскі (Расненскі) сельсавет у складзе Сенненскага раёна Віцебскай акругі БССР. Пасля скасавання акруговай сістэмы 26 ліпеня 1930 года ў Сенненскім раёне БССР, з 20 лютага 1938 года — Віцебскай вобласці. 20 мая 1960 года ў склад сельсавета з Беліцкага сельсавета перададзены 4 населеныя пункты (Заполле, Краснае Сяло, Лапатнікі і Нярэйша)^[1]. На 1 студзеня 1974 года ў складзе Раснянскага сельсавета 32 населеныя пункты^[2]. 30 студзеня 1976 года скасавана вёска Мігуліна^[3]. 7 жніўня 1979 года ў склад Беліцкага сельсавета вернуты вёскі Заполле, Краснае Сяло, Лапатнікі і Нярэйша^[4]. 8 красавіка 2004 года скасаваны, тэрыторыя далучана да Нямойтаўскага сельсавета^[5].

На момант скасавання ў склад сельсавета ўваходзілі 22 населеныя пункты: вёскі Андрэйчыкі, Бабаедава, Багданава, Будна, Вароніна, Васількова, Вейна, Кажамякі, Камарова, Клімавічы, Кузьміно, Мажулева, Пацкава, Первамайская, Пурплева, Рай, Расна, Серкуці, Сычэва, Сякірына, Цясішча і Чуцькі.