Раснічныя чэрві

Раснічныя чэрві, турбелярыі (Turbellaria) — клас плоскіх (пляскатых) чарвей.

Раснічныя чэрві
Планарыя малочная
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Platyzoa Тып:  Плоскія чэрві Клас:  Раснічныя чэрві
Міжнародная навуковая назва
Turbellaria Ehrenberg, 1831
Атрады
Catenulida Haplopharyngida Lecithoepitheliata Macrostomida (Nemertodermata) Polycladida Prolecithophora Rhabdocoela Seriata Temnocephalida
Сістэматыка на Віківідах Выявы на Вікісховішчы ITIS   53964 NCBI   166384

Апісанне

Падзяляецца на 2 падкласы, 11 (12) атрадаў, каля 3 тыс. відаў. Пашыраны ў марскіх і прэсных водах усіх шырот (у трапічных лясах трапляюцца наземныя формы). Свабоднажывучыя, пераважна донныя формы. Асобныя віды — паразіты беспазваночных (ігласкурых, малюскаў, ракападобных і інш.).

Даўжыня ад доляў міліметра да 60 см. Цела двухбакова-сіметрычнае, укрыта раснічным эпітэліем (адсюль назва). Поласць цела запоўнена парэнхімай. Большасць відаў — драпежнікі. Гермафрадыты. Развіццё палавое, прамое або з метамарфозам, у некаторых — бясполае, дзяленнем.

Літаратура

• Раснічныя чэрві // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).