Расходнік

Расходнік^[1][2][3], Седум^[3], Зайцава капуста, Зайцовая капуста^[1] (Sedum) — род кветкавых раслін сямейства Таўсцянкавыя (Crassulaceae).

Расходнік
Расходнік едкі (Sedum acre)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Каменяломнікакветныя Сямейства:  Таўсцянкавыя Падсямейства:  Sedoideae Род:  Расходнік
Міжнародная навуковая назва
Sedum L., Sp. Pl. 1: 430 (1753)
Сістэматыка на Віківідах Выявы на Вікісховішчы ITIS   24103 NCBI   3784 EOL   32579 IPNI   12241-1

У паняцця ёсць і іншыя значэнні, гл. Расходнік (значэнні).

Апісанне

Аднагадовыя, двухгадовыя і шматгадовыя травяністыя расліны-сукуленты вышынёю 4—80 см. Сцяблы прамастойныя або сцелюцца. Лісце сакаўное, рознай формы і колеру. Кветкі белыя, жоўтыя, пурпуровыя або блакітныя, у шчыткападобных ці мяцёлчатых суквеццях. Плод — шматлістоўка.

Віды і экалогія

Род налічвае каля 600^[2] відаў (392 віды^[4]). Распаўсюджаны ва ўмераных абласцях Паўночнага паўшар’я, пераважна на тэрыторыі Еўразіі. Некалькі відаў у Паўночнай Афрыцы і Паўднёвай Амерыцы (Перу)^[2].

На тэрыторыі Беларусі 6^[2] відаў. Найбольш пашыраныя расходнік едкі (Sedum acre), расходнік пурпуровы (Sedum telephium), расходнік вялікі (Sedum maximum). Растуць на лугах, палях, каля дарог, у лясах; цвітуць у маі—жніўні.

Значэнне і выкарыстанне

Меданосы. Вырошчваюцца як дэкаратыўныя бардзюрныя расліны. Лекавыя расліны.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 120. — 160 с. — 2 350 экз.
2. БелЭн 2001.
3. БелЭн 2002.
4. Sedum (англ.) // The Plant List