Таўсцянкавыя

Таўсцянковыя^[1] (Crassulaceae) — сямейства кветкавых раслін.

Таўсцянкавыя
Sedum torulosum
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Каменяломнікакветныя Сямейства:  Таўсцянкавыя
Міжнародная навуковая назва
Crassulaceae J.St.-Hil., nom. cons., 1805
Сістэматыка на Віківідах Выявы на Вікісховішчы ITIS   24097 NCBI   3781 EOL   4388 IPNI   30000887-2 FW   55672

Апісанне

Травяністыя расліны, сукулентныя, шматгадовыя ці аднагадовыя, з простымі, большай часткай без прылісткаў, сакавітымі лісточкамі. Кветкі звычайна ў коласападобных, гронкападобных, шчытападобных суквеццях, актынаморфныя, двухполыя, рэдка аднаполыя, кругавыя, у большасці выпадкаў з аднолькавым 4-5-6 і большым лікам членаў калякветніка (у абодвух кругах) і гінецэя, але ў два разы большым лікам у андрацэі. Вяночак раздзельнапялёсткавы, іншы раз спайнапялёсткавы. Пладалісцікі свабодныя ці зрастаюцца паміж сабой у большай ці меншай ступені. Завязь верхняя. Пры аснове пладалісцікаў знаходзяцца лускі — нектарнікі.

Расліны энтамафільныя, некаторыя арнітафільныя. Кветаложа часта сподачкапашыранае. Плод — многалістоўка, рэдка каробачкападобны. Лісце можа ўтрымліваць таксічныя для хатніх жывел гліказіды^[2].

Пашырэнне

Сямейства ўтрымлівае да 35 родаў і 1500 відаў. Шырока распаўсюджаны (акрамя Палінезіі і Аўстраліі), але сканцэнтраваны ў асноўным у Паўднёвай Афрыцы. У Рэспубліцы Беларусь сямейства таўсцянкавых прадстаўлена 4 родамі і каля 11 відамі.

Роды

Сямейства налічвае 39 родаў:

• Adromischus Lem.
• Aeonium Webb & Berthel.
• Afrovivella A.Berger
• Aichryson Webb & Berthel.
• Cotyledon L.
• Crassula L.
• Cremnophila Rose
• Diamorpha Nutt.
• Dudleya Britton & Rose
• Echeveria DC.
• Graptopetalum Rose
• ×Graptoveria G.D.Rowley — гібрыд Graptopetalum × Echeveria
• Hylotelephium H. Ohba
• Hypagophytum A. Berger
• Jovibarba (DC.) Opiz
• Kalanchoe Adans.
• Kungia K.T.Fu
• Lenophyllum Rose
• Meterostachys Nakai
• Monanthes Haw.
• Ohbaea V.V.Byalt & I.V.Sokolova
• Orostachys Fisch.
• Pachyphytum Link et al.
• ×Pachyveria Haage & Schmidt — гібрыд Pachyphytum × Echeveria
• Perrierosedum (A. Berger) H. Ohba
• Phedimus Raf.
• Pistorinia DC.
• Prometheum (A. Berger) H. Ohba
• Pseudosedum (Boiss.) A. Berger
• Rhodiola L.
• Rosularia (DC.) Stapf
• Sedum L. — Расходнік
• Sempervivum L. — Скочкі
• Sinocrassula A.Berger
• Thompsonella Britton & Rose
• Tillaea L.
• Tylecodon Toelken
• Umbilicus DC.
• Villadia Rose

Паводле сайта The Plant List на 2013 год, у сямейства ўваходзяць 50^[3] родаў і 1482 віды.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 145. — 160 с. — 2 350 экз.
2. Сергей Бесараб Семейство Толстянковые. Прекрасные генераторы ядовитых гликозидов // Патрэон — patreon.com, 15 кастрычніка 2021, 19:45
3. Таўсцянкавыя Архівавана 17 чэрвеня 2017. на сайце The Plant List (англ.) (лац.) (Праверана 31 мая 2016)