Расцяробы (Буда-Кашалёўскі раён)

Расцяро́бы^[1] (трансліт.: Rasciaroby, руск.: Растерёбы) — пасёлак у Буда-Кашалёўскім раёне Гомельскай вобласці. Уваходзіць у склад Крыўскага сельсавета. За 25 км на поўдзень ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 28 км ад Гомеля.

Пасёлак Расцяробы Краіна Беларусь Вобласць Гомельская Раён Буда-Кашалёўскі Сельсавет Крыўскі Каардынаты 52°30′58″ пн. ш. 30°32′34″ у. д.HGЯO Першая згадка 1920-я Колькасць двароў 3 Насельніцтва 5 чалавек (2004) Часавы пояс UTC+3 Тэлефонны код +375 2336 Аўтамабільны код 3 Расцяробы Расцяробы

У паняцця ёсць і іншыя значэнні, гл. Расцяробы.

Транспартная сетка

Транспартныя сувязі па прасёлкавай, затым аўтамабільнай дарозе Жлобін — Гомель. Планіроўка складаецца з кароткай просталінейнай, блізкай да шыротнай арыентацыі вуліцы, забудаванай драўлянымі дамамі сядзібнага тыпу.

Гісторыя

Заснаваны напачатку 1920-х гадоў перасяленцамі з суседніх вёсак на былых памешчыцкіх землях. У 1930 годзе жыхары пасёлка ўступілі ў калгас. Падчас Вялікай Айчыннай вайны ў верасні 1943 года акупанты спалілі 18 двароў і забілі 8 жыхароў, 7 жыхароў мястэчка загінулі на фронце. У 1959 годзе ў складзе калгаса імя М. І. Калініна (цэнтр — вёска Івольск).

Да 1 снежня 2009 года пасёлак уваходзіў у склад Івольскага сельсавета^[2].

Насельніцтва

Колькасць

• 2004 год — 3 гаспадаркі, 5 жыхароў.

Дынаміка

• 1940 год — 19 двароў, 72 жыхара.
• 1959 год — 68 жыхароў (паводле перапісу).
• 2004 год — 3 гаспадаркі, 5 жыхароў.

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
2. «Об изменении административно-территориального устройства Буда-Кошелевского района Гомельской области». Решение Гомельского областного Совета депутатов от 1 декабря 2009 г. № 277 Архівавана 29 кастрычніка 2013. (руск.)