Расічка

Расі́чка^[1] (Digitaria) — род кветкавых раслін сямейства Метлюжковыя (Poaceae).

Расічка
Расічка крывяная (Digitaria sanguinalis)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Просавыя Трыба:  Paniceae Падтрыба:  Anthephorinae Род:  Расічка
Міжнародная навуковая назва
Digitaria Haller, 1768, nom. cons.
Тыпавы від
Digitaria sanguinalis (L.) Scop., 1771, typ. cons. — Расічка крывяная
Сістэматыка на Віківідах Выявы на Вікісховішчы ITIS   203845 NCBI   66017 EOL   108061 GRIN   g:3700 IPNI   329395-2

У паняцця ёсць і іншыя значэнні, гл. Расічка (значэнні).

Назва

Навуковая назва роду паходзіць ад лац.: digitus — «палец», что ставіцца да размяшчэння галінак суквецця ў многіх відаў расічак.

Батанічнае апісанне

Шматгадовыя, радзей аднагадовыя травы вышынёй 10—80 см. Сцёблы моцна галінастыя каля асновы, прамастойныя або ляжачыя, часта чырванаватыя. Лісце лінейна-ланцэтнае. Агульнае суквецце — прамы колас з 2—20 пальчата сабраных коласападобных галінак на верхавінцы сцябла. Плод — зярняўка.

Арэал

Налічвае каля 350 відаў, пашыраных ў трапічных і субтрапічных (пераважна ў Афрыцы) і часткова ва ўмерана цёплых абласцях. На тэрыторыі Беларусі 4 віды^[2], трапляюцца на пясках, па берагах вадаёмаў, як пустазелле на палях.

Таксанамія

яшчэ 15 сямействаў (па Сістэме APG III)

ад 260 відаў

парадак Метлюжкакветныя

род Расічка

аддзел Кветкавыя, або Пакрытанасенныя

сямейства Метлюжковыя

яшчэ 58 парадкаў кветкавых раслін (па Сістэме APG III)

да 800 родаў

Сінонімы

• Acicarpa Raddi, 1823, nom. illeg.
• Digitariella De Winter, 1961
• Digitariopsis C.E.Hubb., 1940
• Elytroblepharum (Steud.) Schltdl., 1855
• Eriachne Phil., 1870, nom. illeg.
• Gramerium Desv., 1831
• Leptoloma Chase, 1906
• Sanguinaria Bubani, 1901, nom. illeg.
• Syntherisma Walter, 1788
• Trichachne Nees, 1829, nom. nov.
• Valota Adans., 1763, nom. rej.

Віды

Тыпавы вид — Digitaria sanguinalis. Род уключае каля 260 відаў. Некаторыя з іх:

• Digitaria ciliaris (Retz.) Koeler, 1802
• Digitaria horizontalis Willd., 1809
• Digitaria ischaemum (Schreb.) Muhl., 1817 — Расічка лінейная
• Digitaria sanguinalis (L.) Scop., 1771 — Расічка крывяная
• Digitaria violascens Link, 1827

Выкарыстанне

Кармавыя, пераважна пашавыя расліны, некаторыя віды культывуюць у Паўднёва-Усходняй Азіі як збожжавыя злакі. Выкарыстоўваюць для барацьбы з эрозіяй, для замацавання пяскоў, насыпаў, стварэння газонаў. Салома расічкі прыдатная на выраб паперы, цыновак, кошыкаў і інш.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 46. — 160 с. — 2 350 экз.
2. База Растения Беларуси (нявызн.)(недаступная спасылка). Архівавана з першакрыніцы 6 сакавіка 2016. Праверана 24 сакавіка 2015.