Рослаўльскі павет

Рослаўльскі павет — адміністрацыйная адзінка ў складзе Рыжскай губерні, Смаленскага намесніцтва і Смаленскай губерні, якая існавала ў 1708—1929. Цэнтр — горад Рослаўль.

Рослаўльскі павет
Краіна	Расійская імперыя
Уваходзіць у	Смаленская губерня (1726—1929)
Адміністрацыйны цэнтр	Рослаўль
Дата ўтварэння	1708
Дата скасавання	1929
Насельніцтва	188 200 чал. (1897)
Плошча	6 300 км²

Гісторыя

Юрыдычна павет быў аформлены ў 1708 годзе ў ходзе адміністрацыйнай рэформы Пятра I, калі ён быў аднесены да Смаленскай губерні. У 1713 годзе Смаленская губерня была скасавана, і ён адышоў да Рыжскай губерні, аднак ужо ў 1726 годзе Смаленская губерня была адноўлена. З 1775 па 1796 год Рослаўльскі павет адносіўся да Смаленскага намесніцтва, а потым зноў стаў часткай Смаленскай губерні.

25 сакавіка 1918 года павет быў абвешчаны часткай Беларускай Народнай Рэспублікі, а 1 па 16 студзеня 1919 года ў адпаведнасці з маніфестам I з’езда КП(б) Беларусі ўваходзіў у склад Сацыялістычнай Савецкай Рэспублікі Беларусь.

У 1929 годзе Смаленская губерня і ўсе яе паветы былі скасаваныя, а іх тэрыторыя ўвайшла ў новую Заходнюю вобласць. На аснове Рослаўльскага павета былі сфарміраваны Рослаўльскі і Ершыцкі раёны; значная частка яго тэрыторыі ўвайшла ў склад іншых суседніх раёнаў.

Насельніцтва

Па даных перапісу 1897 года ў павеце пражывала 188 200 чалавек. У тым ліку рускія — 97,8 %; яўрэі — 1,3 %. У горадзе Рослаўлі пражывала 17 776 чалавек^[1].

Адміністрацыйны падзел

У 1890 годзе ў склад павета ўваходзіла 27 валасцей^[2].

№ п / п	Воласць	Валасное праўленне	Колькасць паселішчаў	Насельніцтва
1	Астапкоўская	с. Астапкова	29	3829
2	Варашылаўская	с. Варашылава	40	3330
3	Гараноўская	с. Гаранова	35	5927
4	Якімічская	с. Якімічы	29	3840
5	Епішоўская	с. Епішова	30	5676
6	Ярмолінская	в. Даратоўка	45	3655
7	Ершычская	с. Ершычы	26	6837
8	Жарынская	с. Жарынь	23	5047
9	Кірылаўская	в. Кірылы	36	4217
10	Кастыраўская	с. Кастыры	45	6261
11	Каталінская	с. Каталін	8	2286
12	Красназаборская	с. Красназабор’е	19	3262
13	Кузьмічская	с. Кузьмічы	16	7625
14	Лугоўская	с. Лугі	13	2542
15	Несонаўская	с. Несонава	31	5140
16	Нова-Руднянская	с. Новая Рудня	46	7358
17	Полуеўская	в. Стамятка	42	3190
18	Прышчанская	с. Прышча	11	5459
19	Рагнедзінская	с. Рагнедзіна	14	4763
20	Радзічская	с. Радзічы	25	5393
21	Разрытаўская	с. Разрытае	22	9440
22	Разанаўская	с. Разанава	33	5327
23	Сергіеўская	с. Сергіеўскае	17	3952
24	Траянаўская	с. Траянава	40	3523
25	Цюнінская	с. Цюніна	27	5674
26	Фёдараўская	с. Фёдараўскае	30	6737
27	Харашоўская	в. Харашова	29	3856

Да 1926 годзе, нягледзячы на пашырэнне межаў павета, колькасць валасцей скарацілася да 12.