Руслан Яўгенавіч Равяка

Руслан Яўгенавіч Равяка (нар. 8 кастрычніка 1975, Баранавічы) — беларускі журналіст, перакладчык, вікіпедыст^[1].

Руслан Яўгенавіч Равяка
Род дзейнасці	журналіст, перакладчык, вікіпедыст
Дата нараджэння	8 кастрычніка 1975(1975-10-08) (49 гадоў)
Месца нараджэння	Баранавічы, Брэсцкая вобласць, Беларуская ССР, СССР
Месца працы	Баранавіцкі мясакансервавы камбінат Наша Ніва Intex-press
Альма-матар	Беларускі дзяржаўны ўніверсітэт харчовых і хімічных тэхналогій

У Вікіпедыі ёсць артыкулы пра іншых людзей з прозвішчам Равяка.

Біяграфія

Нарадзіўся 8 кастрычніка 1975 году ў Баранавічах. Скончыў Магілёўскі тэхналагічны ўніверсітэт, па спецыяльнасці інжынер-механік абсталявання харчовай прамысловасці. 16 гадоў працаваў інжынерам на Баранавіцкім мясакансервавым камбінаце, шмат гадоў супрацоўнічаў з газетай «Наша Ніва». Пасля працаваў журналістам у баранавіцкім незалежным тыднёвіку «Intex-Press». Жыў у Баранавічах^[2].

Рэдактар Беларускай Вікіпедыі альтэрнатыўным правапісам^[1].

У студзені 2022 года на Равяку склалі адміністрацыйны пратакол за захоўванне экстрэмісцкіх матэрыялаў. Яго абвінавацілі ў захоўванні кнігі «Mein Kampf» Адольфа Гітлера на камп’ютары, які забралі супрацоўнікі КДБ у ліпені 2021 году падчас ператрусу ў рэдакцыі «Intex-press»^[3].

Творчасць

На беларускую мову пераклаў апавяданні Станіслава Лема «Уранавыя вушы» і Вітальда Вірпшы «Смецце», раман Сяргея Пясецкага «Жыццё раззброенага чалавека» (ARCHE 5-2014). Разам з Уладзем Маруцікам пераклаў раман Сяргея Пясецкага «Каханак Вялікай Мядзведзіцы» (нявыдадзены)^[2].