Рыгор Станькавіч Осцік

У Вікіпедыі ёсць артыкулы пра іншых людзей з прозвішчам Осцік.

Рыгор Станькавіч Осцік таксама Осцікавіч або Остык (не пазней за 1478^[7] — студзень 1519^[8]) — намеснік анікштанскі і маршалак гаспадарскі (1492)^[7], маршалак дворны літоўскі (1494—1500, 1509—1519), ваявода троцкі (1510—1519).

Рыгор Станькавіч Осцік
Трубы
ваявода троцкі 20 чэрвеня 1510 — 1518
Папярэднік	Мікалай Радзівіл
Пераемнік	Альбрэхт Гаштольд
1-ы маршалак надворны літоўскі ліпень 1494 — 1500
Пераемнік	Міхаіл Глінскі
3-і маршалак надворны літоўскі 1509 — 1518
Папярэднік	Міхаіл Глінскі
Пераемнік	Юрый Іванавіч Ільініч
Нараджэнне	не пазней за 1478 Трокі, Троцкі павет, Троцкае ваяводства, Вялікае Княства Літоўскае
Смерць	студзень 1519 ці 1518[1] Кернаў, Віленскі павет, Віленскае ваяводства, Вялікае Княства Літоўскае
Род	Осцікі
Бацька	Станіслаў Осцікавіч[d][2]
Жонка	Аляксандра са Свірскіх[d][3][4] і Альжбета з Глябовічаў[d][5][6]
Дзеці	Станіслаў Рыгоравіч Осцік, Юрый Рыгоравіч Осцік і Рыгор Рыгоравіч Осцік

З роду Осцікаў, сын Станка Осцікавіча.

Браў удзел у маскоўска-літоўскіх войнах (1492—1494, 1500—1503), у бітве на Ведрашы (1500) трапіў у маскоўскі палон. Пасля ўцёкаў з палону князя Канстанціна Іванавіча Астрожскага вераснем 1507 года, іншых палонных закавалі ў кайданы, а некаторых вялікі князь маскоўскі хацеў пакараць смерцю, у тым ліку Рыгора Осціка. Вызвалены з палону ў красавіку 1509 года^[8].

Зноў атрымаў урад дворнага маршалка, а пасля заняцця ўрада віленскага ваяводы Мікалаем Мікалаевічам Радзівілам, летам 1510 года стаў ваяводам троцкім^[8].

Ажаніўся ў канцы XV ст. з Аляксандрай, дачкой князя Петкі Раманавіча Свірскага, атрымаў за ёю ў пасаг частку маёнтка Мядзель-Кабыльнік. Меў трох сыноў — Рыгора, Станіслава і Юрыя.