Рыгор Яфімавіч Паспелаў

Рыгор Яфімавіч Паспелаў (11 верасня 1916, Бежацк, Цвярская губерня, Расійская імперыя — 19 мая 2014) — беларускі спецыяліст у галіне энергетыкі. Доктар тэхнічных навук (1962), прафесар (1963). Удзельнік Вялікай Айчыннай вайны.

Рыгор Яфімавіч Паспелаў
Дата нараджэння	11 верасня 1916(1916-09-11)
Месца нараджэння	Бежацк, Бежацкі павет[d], Цвярская губерня, Расійская імперыя
Дата смерці	19 мая 2014(2014-05-19) (97 гадоў)
Грамадзянства	Польшча
Дзеці	Таццяна Рыгораўна Паспелава
Месца працы	Ташкенцкі дзяржаўны тэхнічны ўніверсітэт[d] энергетычны факультэт БНТУ
Навуковая ступень	доктар тэхнічных навук
Навуковае званне	прафесар
Альма-матар	Ташкенцкі дзяржаўны тэхнічны ўніверсітэт[d]
Узнагароды	Ганаровая грамата Міністэрства энергетыкі Рэспублікі Беларусь[d] Ганаровая грамата Міністэрства адукацыі Рэспублікі Беларусь

Біяграфія

Скончыў Сярэднеазіяцкі індустрыяльны інстытут (1940).

Працаваў у Ташкенцкім політэхнічным інстытуце (1946—1963, кафедра «Электрычныя сістэмы, сеткі і тэхніка высокіх напружанняў», дацэнт, у 1961—1963 — загадчык кафедры), Беларускім нацыянальным тэхнічным універсітэце (1963—2014, энергетычны факультэт, кафедра «Электрычныя сістэмы», прафесар, у 1963—1990 — загадчык кафедры).

Сям’я

• жонка Ірына Анатолеўна Фёдарава (1920—1988) — доктар тэхнічных навук
  • дачка Таццяна Рыгораўна Паспелава (1951) — доктар тэхнічных навук

Навуковая дзейнасць

Навуковыя інтарэсы: аптымізацыя параметраў і рэжымаў электрычных сістэм і сетак; пабудова адзінай тэорыі транспарту электрычнай энергіі і энерга-эканамічны аналіз сістэм электраперадач, распрацоўка эфектыўных метадаў іх разліку. Заснавальнік навуковай школы ў галіне электраэнергетычных сістэм і сістэм перадачы электраэнергіі з шырокім спектрам дзейнасці.

Узнагароды

Званне «Заслужаны дзеяч навукі і тэхнікі БССР» (1977), ордэны Чырвонай Зоркі, Айчыннай вайны 2-ой ступені, медалі, ганаровыя граматы Міністэрства энергетыкі, Міністэрства адукацыі Рэспублікі Беларусь, знакі «Отличник энергетики Республики Беларусь», «Почетный энергетик Республики Беларусь», «80 лет плана ГОЭЛРО» і інш.

Зноскі