Рыдамля

Ры́дамля^[1] (трансліт.: Rydamlia, руск.: Рыдомля) — вёска ў Талачынскім раёне Віцебскай вобласці. Уваходзіць у склад Серкавіцкага сельсавета.

Вёска Рыдамля Краіна Беларусь Вобласць Віцебская Раён Талачынскі Сельсавет Серкавіцкі Каардынаты 54°35′26″ пн. ш. 29°36′47″ у. д.HGЯO Насельніцтва ▼27 чал. (2009) Часавы пояс UTC+3 Тэлефонны код +375 2136 Аўтамабільны код 2 СААТА 2246846096 Рыдамля Рыдамля

Рыдамля на Вікісховішчы

Гісторыя

Рыдамлю, разам са сваім аднайменным маёнткам у верхнім цячэнні Усвейкі, чацвёра сыноў Фёдара Бабіча ў сярэдзіне XV ст. падаравалі Чарэйскаму манастыру^[2]. У 1676 годзе згадваецца як сяло з царквой у Аршанскім павеце Вялікага Княства Літоўскага^[3].

У пачатку XX ст. у Аршанскім павеце Магілёўскай губерні.

У час 2-й сусветнай вайны, 12 верасня 1942 г. карнікі ўварваліся ў в. Рыдамля, падпалілі вёску, ямы і паграбы закідвалі гранатамі, абстрэльвалі з аўтаматаў. Спалена 136 дамоў, забіта 81 і паранена 43 чалавекі.

У 1924—1954 гадах цэнтр Рыдамльскага сельсавета. Да 17 жніўня 1962 года вёска ўваходзіла ў склад Валосаўскага сельсавета^[4].

Вядомыя асобы

• Алесь Рылько (1923—1967), беларускі пісьменнік

Зноскі

1. Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).
2. Wolff J. Kniaziowie litewsko-ruscy… S. 60, 168—171, 360—364, 461—464.
3. LVIA, f. 11, ap. 1, b. 747
4. Рашэнне выканкома Віцебскага абласнога Савета дэпутатаў працоўных ад 17 жніўня 1962 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 30 (989).