Рыжкавічы

Ры́жкавічы^[1] (трансліт.: Ryžkavičy, руск.: Рыжковичи) — былая вёска ў Беларусі, у Шклоўскім раёне Магілёўскай вобласці. З’яўляліся адміністрацыйным цэнтрам Рыжкавіцкага сельсавета.

Вёска Рыжкавічы Краіна Беларусь Вобласць Магілёўская Раён Шклоўскі Сельсавет Рыжкавіцкі Каардынаты 54°11′08″ пн. ш. 30°18′37″ у. д.HGЯO Насельніцтва ▼566 чал. (2008) СААТА 7258828121 Рыжкавічы на карце Беларусі ±

У паняцця ёсць і іншыя значэнні, гл. Рыжкавічы (значэнні).

Геаграфія

Знаходзіцца 2 км у напрамку на паўднёвы ўсход ад горада Шклоў, за 28 км ад Магілёва, за 4 км ад чыгуначнай станцыі Шклоў^[2].

Гісторыя

Вёска Рыжкавічы вядомая з XVI стагоддзя. Магнаты з роду Хадкевічаў пабудавалі тут кляштар дамініканцаў, таксама існавала ўніяцкая царква Пятра і Паўла.

У часы Другой сусветнай вайны ў Рыжкавічах існавала яўрэйскае гета, якое нацысты знішчылі пры канцы 1941 года. Памятнага знака пра знішчаных яўрэяў у вёсцы і Шклове няма. У сярэдзіне XX стагоддзя была знішчана мясцовая царква.

14 снежня 2007 года, разам з вёскамі Маладзёжная і Малое Зарэчча, Рыжкавічы ўвайшлі ў склад горада Шклова^[3].

Насельніцтва

• 1999 год — 587 чалавек.
• 2001 год — 607 жыхароў, 262 двары^[2].
• 2008 год — 239 двароў, 566 чалавек.

Цікавыя факты

Рыжкавічы вядомыя тым, што тут жыў і працаваў у 1980-я намеснікам старшыні калгаса імя Леніна і партаргам Аляксандр Лукашэнка. У сярэдзіне дзевяностых калгас заняпаў, а потым яго ліквідавалі. Дагэтуль тут жыве яго жонка Галіна.