Рэпік

Рэ́пік^[1] (Eupatorium) — род кветкавых раслін сямейства Астравыя.

Рэпік
Рэпік канапляны (Eupatorium cannabinum) — тыпавы від
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Астравыя Трыба:  Eupatorieae Род:  Рэпік
Міжнародная навуковая назва
Eupatorium L., 1753
Тыпавы від
Рэпік канапляны (Eupatorium cannabinum)
Сістэматыка на Віківідах Выявы на Вікісховішчы ITIS   35977 NCBI   13516 EOL   38318 GRIN   g:4514 IPNI   86788-3

У паняцця ёсць і іншыя значэнні, гл. Рэпік.

Батанічнае апісанне

Шматгадовыя травяністыя карэнішчавыя расліны з прамымі простымі або галінастымі сцёбламі вышынёй ад 30 см да 2 м. Лісце трайчастае або суцэльнае, супраціўнае, чаргаванае, зрэдку па 3—4 у кальчаках. Кветкі белыя або ружовыя, ў кошыках, сабраных у агульнае шчытападобнае суквецце. Плод — сямянка з пяццю рэбрамі і чубком з доўгіх валаскоў.

Арэал

Налічвае каля 600 відаў, распаўсюджаных пераважна ў Амерыцы, некаторыя віды ў Еўразіі і трапічнай Афрыцы.

Значэнне і выкарыстанне

Лекавыя, тэхнічныя, фарбавальныя, алейныя і дэкаратыўныя расліны. Ядавітыя расліны.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 51. — 160 с. — 2 350 экз.