Рувім Янкелевіч Яўраеў

Рувім Янкелевіч Яўраеў (13 верасня 1914, Марыупаль — 5 жніўня 1987) — беларускі артыст оперы (барытон). Заслужаны артыст Беларускай ССР (1964).

Рувім Янкелевіч Яўраеў
Дата нараджэння	13 верасня 1914(1914-09-13)
Месца нараджэння	Марыупаль, Марыупальскі павет[d], Кацярынаслаўская губерня, Расійская імперыя
Дата смерці	5 жніўня 1987(1987-08-05) (72 гады)
Альма-матар	Саратаўская дзяржаўная кансерваторыя імя Л. В. Собінава Беларуская дзяржаўная акадэмія музыкі
Месца працы	Нацыянальны акадэмічны Вялікі тэатр оперы і балета Рэспублікі Беларусь
Музычная дзейнасць
Прафесіі	оперны спявак
Пеўчы голас	барытон
Інструменты	вакал
Узнагароды

Біяграфія

Вучыўся ў Беларускай кансерваторыі ў 1937-41 гадах, скончыў Саратаўскую кансерваторыю ў 1943 годзе. У 1945-70 гадах саліст, з 1963 года адначасова асістэнт рэжысёра Дзяржаўнага тэатра оперы і балета Беларусі.

Творчасць

Валодаў прыгожым, рухомым голасам вялікага дыяпазону. Найбольш яскрава талент праявіўся ў партыях камічных персанажаў. Сярод створаных ім вобразаў: яфрэйтар Ліпке, Марэк («Дзяўчына з Палесся», «Алеся» Яўгена Цікоцкага), Якуб («Надзея Дурава» Анатоля Багатырова), Сцяпан («Яснае світанне» Аляксея Туранкова), Ротны, Зарэцкі («Яўген Анегін» Пятра Чайкоўскага), Скула («Князь Ігар» Аляксандра Барадзіна), Бертала («Севільскі цырульнік» Джаакіна Расіні), Нілаканта («Лакмэ» Леа Дэліба) і інш.

Літаратура

• Рувім Янкелевіч Яўраеў // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — С. 563. — 571 с. — 4 000 экз. — ISBN 985-11-0259-8.