Бярозаўскі сельсавет (Бярозаўскі раён)

У паняцця ёсць і іншыя значэнні, гл. Бярозаўскі сельсавет.

Бяро́заўскі сельсавет (руск.: Берёзовский сельсовет) — адміністрацыйна-тэрытарыяльная адзінка ў складзе Бярозаўскага раёна Брэсцкай вобласці Беларусі. Цэнтр — горад Бяроза (не ўваходзіць у склад).

Бярозаўскі сельсавет
Краіна	Беларусь
Уваходзіць у	Бярозаўскі раён
Уключае	10 населеных пунктаў
Адміністрацыйны цэнтр	Бяроза (не ўваходзіць у склад)
Дата ўтварэння	12 кастрычніка 1940
Насельніцтва (2019)	1 894
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года як Самойлавіцкі сельсавет у складзе Бярозаўскага раёна Брэсцкай вобласці БССР. Цэнтр — вёска Самойлавічы. 8 сакавіка 1960 года ў склад сельсавета з Сакалоўскага сельсавета перададзены вёскі Зарэчча, Круглае і Мормажава^[1]. 14 красавіка 1964 года цэнтр сельсавета перанесены ў горад Бяроза, сельсавет перайменаваны ў Бярозаўскі, у склад сельсавета з Углянскага сельсавета перададзены 4 населеныя пункты (Горач, Навасёлкі, Падоссе і Парослава)^[2]. На 1 студзеня 1974 года ў складзе сельсавета было 12 населеных пунктаў^[3]. 21 мая 1984 года скасавана вёска Лазова (далучана да вёскі Селаўшчына)^[4], у 1987 годзе — вёска Самойлавічы (злілася з горадам Бяроза)^[5].

Насельніцтва сельсавета паводле перапісу 2009 года — 1818 чалавек^[6], з іх 94,9 % — беларусы, 2,2 % — рускія, 1,7 % — палякі, 0,6 % — украінцы^[7]; паводле перапісу 2019 года — 1894 чалавекі^[8].

Зноскі

1. Рашэнне выканкома Брэсцкага абласнога Савета дэпутатаў працоўных ад 8 сакавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 6.
2. Рашэнні выканкома Брэсцкага абласнога (сельскага) Савета дэпутатаў працоўных ад 25 лютага, 14 красавіка і 1 чэрвеня 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 21 (1061).
3. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 16. — 248 с. — 10 000 экз.
4. Рашэнне выканкома Брэсцкага абласнога Савета народных дэпутатаў ад 21 мая 1984 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1984, № 19 (1789).
5. Рашэнні выканкома Брэсцкага абласнога Савета народных дэпутатаў ад 17 жніўня, 14 верасня, 16 лістапада 1987 г. і 18 студзеня 1988 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1988, № 9 (1923).
6. Колькасць насельніцтва населеных пунктаў Брэсцкай вобласці Беларусі паводле перапісу 2009 года
7. Этнічны склад насельніцтва сельсаветаў Беларусі паводле перапісу 2009 года
8. Колькасць насельніцтва населеных пунктаў Брэсцкай вобласці Беларусі паводле перапісу 2019 года