Сант’яга Касарэс Кірога

Сант’яга Касарэс Кірога (ісп.: Santiago Casares Quiroga; 8 мая 1884, Ла-Карунья, Іспанія — 17 лютага 1950, Парыж, Францыя) — іспанскі палітычны дзеяч, у 1931—1932 гады — міністр унутраных спраў, у 1936 годзе — старшыня ўрада прэзідэнта Мануэля Асанья.

Сант’яга Касарэс Кірога
ісп.: Santiago Casares Quiroga
міністр ваенна-марскога флоту Іспаніі[d] 14 красавіка 1931 — 14 кастрычніка 1931
Папярэднік	José Rivera Álvarez de Canero[d]
Пераемнік	Хасэ Хіраль
дэпутат кортэсаў Другой Іспанскай Рэспублікі[d] 13 ліпеня 1931 — 9 кастрычніка 1933
дэпутат кортэсаў Другой Іспанскай Рэспублікі[d] 26 снежня 1933 — 7 студзеня 1936
дэпутат кортэсаў Другой Іспанскай Рэспублікі[d] 3 сакавіка 1936 — 2 лютага 1939
ваенны міністр Іспаніі[d] 14 красавіка 1931 — 14 кастрычніка 1931
Папярэднік	Мануэль Асанья
Пераемнік	Хасэ Хіраль
міністр унутраных спраў Іспаніі[d] 14 кастрычніка 1931 — 12 верасня 1933
Папярэднік	Miguel Maura[d]
Пераемнік	Дыега Марцінес Барыа
міністр юстыцыі Іспаніі[d] 14 ліпеня 1933 — 12 верасня 1933
міністр грамадскіх прац Іспаніі[d] 1936 — 1936
Папярэднік	Cirilo del Río Rodríguez[d]
Пераемнік	Antonio Velao Oñate[d]
64-ы старшыня ўрада Іспаніі 10 мая 1936 — 19 ліпеня 1936
Папярэднік	Мануэль Асанья
Пераемнік	Хасэ Хіраль
Нараджэнне	8 мая 1884(1884-05-08)[1][2][…] Ла-Карунья, правінцыя Ла-Карунья, Галісія, Іспанія[1][2][…]
Смерць	17 лютага 1950(1950-02-17)[1][2][…] (65 гадоў) Парыж, Парыж[d], рэгіён Іль-дэ-Франс, Метраполія Францыі, Францыя[1][2][…]
Бацька	Santiago Casares Paz[d]
Дзеці	María Casares[d] і Esther Casares Quiroga[d]
Партыя	Народны фронт (Іспанія) Рэспубліканская левая Autonomous Galician Republican Organization[d]
Аўтограф
Медыяфайлы на Вікісховішчы

Біяграфія

Сант’яга Касарэс Кірога нарадзіўся ў буржуазнай сям’і. Да пяці гадоў пакутаваў на сухоты. У юнацтве вывучаў права ў Мадрыдзе. Выбраў тэмай для дысертацыі біяграфію галісійскага анархіста Рамона дэ ла Сагра-і-Перыса.

Касарэс Кірога заснаваў Рэспубліканскую галісійскую аўтаномную арганізацыю (ісп.: Organización Republicana Galega Autónoma, ORGA). На працягу ўсёй сваёй кар’еры галоўнай мэтай палітыка была аўтаномія Галісіі — яго роднай правінцыі. У 1930 годзе Касарэс Кірога прымае ўдзел у падпісанні Сан-Себасцьянскага пакта. ORGA увайшла ў Галісійскую Рэспубліканскую Федэрацыю (аб’яднала федэралістаў, радыкалаў і радыкал-сацыялістаў).

У снежні 1930 года Нацыянальны рэвалюцыйны камітэт (CRN) накіраваў Касарэса Кірогу ў горад Хаку (Jaca), каб адмяніць намечанае капітанам Фермінам Галанам Радрыгесам паўстанне хакскага гарнізона. Касарэс Кірога не паспеў своечасова спыніць Галана. Паўстанне было задушана, але Касарэс трапіў у турму.

У наступным 1931 годзе была зрынута манархія Альфонса XIII, усталявана Другая Іспанская Рэспубліка і сфармаваны Часовы ўрад. Касарэс Кірога ўвайшоў у яго ў якасці марскога міністра.

Ва ўрадзе Мануэля Асаньі (1931—1933) Касарэс Кірога быў міністрам унутраных спраў.

У 1936 годзе Асанья становіцца прэзідэнтам, а Кірога ўзначальвае ўрад. Няздольны справіцца з франкісцкім путчам, ён пакінуў свой пост амаль адразу пасля пачатку грамадзянскай вайны і з тых часоў ужо больш не займаў ніякіх дзяржаўных пасадаў.

Пасля ўваходу франкістаў у Барселону 26 студзеня 1939 года Касарэс Кірога эміграваў у Францыю.