Сасноваборскі сельсавет

Сасновабо́рскі сельсавет — адміністрацыйна-тэрытарыяльная адзінка ў складзе Светлагорскага раёна Гомельскай вобласці Беларусі. Цэнтр сельсавета — рабочы пасёлак Сасновы Бор. Знаходзіцца на поўдзень ад горада Светлагорск.

Сасноваборскі сельсавет
Краіна	Беларусь
Статус	сельсавет
Уваходзіць у	Светлагорскі раён
Уключае	9 населеных пунктаў
Адміністрацыйны цэнтр	Сасновы Бор
Дата ўтварэння	12 лістапада 2013
Старшыня сельсавета	Аляксандр Уладзіміравіч Чугай
Насельніцтва (2019)	3 005
Плошча	247 км²
Часавы пояс	UTC+03:00
Тэлефонны код	+375 2342
Паштовыя індэксы	247405
Код аўтам. нумароў	3
Афіцыйны сайт

Гісторыя

26 верасня 2006 года ў падпарадкаванне Сасноваборскага пасялковага Савета перададзена вёска Асінаўка, якая ўваходзіла ў склад Асташкавіцкага сельсавета^[1]. 1 снежня 2009 года да Сасноваборскага пассавета далучана тэрыторыя скасаванага Печышчанскага сельсавета (6 населеных пунктаў: аграгарадок Печышчы, вёскі Асопнае, Жэрдзь, Медзведаў, Стракавічы і пасёлак Жардзянскі)^[2].

12 лістапада 2013 года Сасноваборскі пасялковы савет пераўтвораны ў Сасноваборскі сельсавет, таксама ў яго склад з Давыдаўскага сельсавета перададзена вёска Узнаж^[3].

Насельніцтва

Насельніцтва паводле перапісу 2009 года (2 населеныя пункты) — 2579 чалавек^[4], з іх 93,1 % — беларусы, 5,4 % — рускія, 1,1 % — украінцы^[5]; паводле перапісу 2019 года (9 населеных пунктаў) — 3005 чалавек^[6].

Зноскі

1. Решение Гомельского областного Совета депутатов от 26 сентября 2006 г. № 295 Об изменении административно-территориального устройства районов Гомельской области Архівавана 22 верасня 2019.
2. Решение Гомельского областного Совета депутатов от 1 декабря 2009 г. № 288 Об изменении административно-территориального устройства Светлогорского района Гомельской области Архівавана 29 кастрычніка 2013.
3. Решение Гомельского областного Совета депутатов от 12 ноября 2013 г. № 286 О некоторых вопросах административно-территориального устройства Светлогорского района Гомельской области
4. Колькасць насельніцтва населеных пунктаў Гомельскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года
6. Колькасць насельніцтва населеных пунктаў Гомельскай вобласці Беларусі паводле перапісу 2019 года