Свята-Георгіеўская царква (Парэчча)

Свята-Георгіеўская царква — праваслаўны храм у в. Парэчча Слонімскага раёна Гродзенскай вобласці. Знаходзіцца ў боку ад вёскі, абкружана бутавай агароджай.

Праваслаўны храм
Свята-Георгіеўская царква
53°09′58″ пн. ш. 25°16′26″ у. д.HGЯO
Краіна	Беларусь
Вёска	Парэчча
Канфесія	Праваслаўе
Епархія	Навагрудская
Благачынне	Слонімскае
Дата пабудовы	XIX стагоддзе
Стан	дзейнічае
Медыяфайлы на Вікісховішчы

Гісторыя

Царква ў пачатку XX ст.

Пабудавана ў другой палавіне XIX стагоддзя з цэглы. У стане рэстаўрацыі.

Архітэктура

Помнік архітэктуры рэтраспектыўна-рускага стылю. Кананічную чатырохчасткавую кампазіцыю фарміруюць прытвор-званіца (2 васьмерыкі на чацверыку), нізкая трапезная, кубападобная малітоўная зала, прамавугольная апсіда. У сілуэце храма пануюць цыбулепадобныя галоўкі над пакатым шатровым дахам цэнтральнага аб'ёму і шатром званіцы. Тры ўваходы вырашаны арачнымі перспектыўнымі парталамі. На фоне паліхромнай бутавай муроўкі сцен вылучаны атынкаваныя элементы архітэктурнага дэкору: вуглавыя расшытыя пад руст пілястры, аркатурныя фрызы і прафіляваныя карнізы, ліштвы арачных аконных праёмаў.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Георгіеўская царква (Парэчча)
• Свята-Георгіеўская царква (Парэчча) на сайце Праваслаўная архітэктура Беларусі (бел.)
• Свята-Георгіеўская царква (Парэчча) на сайце Radzima.org
• Свята-Георгіеўская царква (Парэчча) на сайце Глобус Беларусі (руск.)