Свята-Казьма-Дзям’янаўская царква (Драчкава)

Свята-Казьма-Дзям’янаўская царква — праваслаўны храм у аграгарадку Драчкава Смалявіцкага раёна Мінскай вобласці Беларусі.

Славутасць
Свята-Казьма-Дзям’янаўская царква
53°49′12″ пн. ш. 28°04′34″ у. д.HGЯO
Краіна	Беларусь
Аграгарадок	Драчкава
Канфесія	БПЦ
Епархія	Барысаўская епархія
Дата пабудовы	1875 год
Медыяфайлы на Вікісховішчы

У паняцця ёсць і іншыя значэнні, гл. Свята-Казьма-Дзям’янаўская царква.

Гісторыя

У цэнтра аграгарадка, на могілках. Пабудавана ў 1875 годзе з дрэва, у 1989 годзе пашырана і абкладзена цэглай.

Архітэктура

Помнік народнага дойлідства. Кубападобны зруб малітоўнай залы аб’яднаны з больш нізкімі трохсценнымі прырубамі прытвора і апсіды. Асноўны аб’ём накрыты чатырохсхільным гонтавым дахам, завершаным васьмерыком з пакатым гранёным пакрыццём. Над двухсхільным дахам прытвора надбудавана чатырохгранная вежачка-званіца з крыжам над чатырохсхільным дашкам. Прамавугольны ўваходны праём накрыты кансольнай двухсхільнай навіссю. Неашаляваныя сцены, складзеныя з магутных брусоў, прарэзаны невялікімі прамавугольнымі аконнымі праёмамі.

Інтэр’ер

Унутры малітоўная зала перакрыта плоскай столлю. Апсіда вылучана драўляным іканастасам.

Зноскі