Свята-Мікалаеўская царква (Чэрвень)

Свята-Мікалаеўская царква — мураваны праваслаўны храм у горадзе Чэрвені Мінскай вобласці.

Праваслаўны храм
Свята-Мікалаеўская царква
53°42′45″ пн. ш. 28°25′26″ у. д.HGЯO
Краіна	Беларусь
Горад	Чэрвень
Канфесія	Беларуская праваслаўная царква
Епархія	Барысаўская епархія Чэрвеньскае благачынне
Будаўніцтва	1993—2003 гады
Медыяфайлы на Вікісховішчы

У паняцця ёсць і іншыя значэнні, гл. Свята-Мікалаеўская царква.

Гісторыя

Будаўніцтва храма пачалося ў 1993 годзе па багаслаўленні Высокаправялебнейшага Мітрапаліта Філарэта. Асноўныя будаўнічыя працы былі скончаны ў 2003 годзе. 28 снежня 2003 года адбылося асвячэнне храма Высокаправялебнейшым Мітрапалітам Філарэтам Патрыяршым Экзархам усяе Беларусі^[1].

Архітэктура

Знаходзіцца на вуліцы Мякоўскага, 2. Вырашана 4-часткавай падоўжна-восевай кампазіцыяй: прытвор-званіца, кароткая трапезная, кубападобная малітоўная зала, паўкруглая апсіда з бакавымі рызніцамі. У сілуэце пануюць 5-купалле 2-яруснай малітоўнай залы і шацёр над 8-гранным ярусам званіцы, макаўка над канічным дахам апсіды. Фасады расчлянёны арачнымі аконнымі праёмамі, крапаваны лапаткамі. Уваход вырашаны 2-слуповым арачным рундуком пад 2-схільным пакрыццём^[2].

Зноскі

1. Храмы Чэрвеньскага благачыння (руск.)
2. Свята-Мікалаеўская царква Архівавана 7 красавіка 2022. на сайце Праваслаўная архітэктура Беларусі