Свята-Успенская царква (Капцёўка)

Свята-Успенская царква — праваслаўны храм у Беларусі, у вёсцы Капцёўка Гродзенскага раёна. Знаходзіцца ў цэнтры вёскі.

Славутасць
Свята-Успенская царква
53°34′01″ пн. ш. 23°52′17″ у. д.HGЯO
Краіна	Беларусь
Вёска	Капцёўка
Канфесія	БПЦ
Епархія	Гродзенская і Ваўкавыская епархія
Будаўніцтва	1864—1868 гады
Медыяфайлы на Вікісховішчы

Гісторыя

Пабудавана ў 1864—1868 гадах (паводле звестак епархіі, у 1891 годзе) з бутавага каменю.

Архітэктура

Помнік архітэктуры рэтраспектыўна-рускага стылю. Чатырохчасткавы храм падоўжна-восевай кампазіцыі. Да кубападобнага ў плане асноўнага аб’ёму, накрытага чатырохсхільным дахам і завершанага васьмігранным барабанам з цыбулепадобнай галоўкай, праз прамавугольную трапезную далучаецца трох’ярусная шатровая званіца (васьмярык на 2 чацверыках). З усходу прымыкае паўкруглая апсіда. На ружовым фоне бутавай муроўкі сцен вылучаюцца элементы архітэктурнага дэкору: атынкаваныя і пабеленыя прафіляваныя ліштвы, руставаныя абрамленні арачных аконных праёмаў, вуглавыя лапаткі, аркатурныя фрызы і нішы. Арачныя праёмы атынкаванага яруса-звона дэкарыраваны кілепадобнымі какошнікамі.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы ёсць медыяфайлы па тэме Свята-Успенская царква (Капцёўка)
• Свята-Успенская царква (Капцёўка) на сайце Праваслаўная архітэктура Беларусі (бел.)
• Свята-Успенская царква (Капцёўка) на сайце Radzima.org
• Свята-Успенская царква (Капцёўка) на сайце Глобус Беларусі (руск.)