Свіны цэпень

Свіны цэпень, узброены цэпень, свіны саліцёр (Taenia solium) — паразітычны чарвяк сямейства тэніідаў; узбуджальнік захворвання тэніёз  (укр.).

Свіны цэпень
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Platyzoa Тып:  Плоскія чэрві Клас:  Стужачныя чэрві Падклас:  Eucestoda Атрад:  Цэпені Сямейства:  Тэнііды Род:  Taenia Від:  Свіны цэпень
Міжнародная навуковая назва
Taenia solium Linnaeus, 1758
Сістэматыка на Віківідах Выявы на Вікісховішчы NCBI   6204 EOL   3247842

Апісанне

Цела (даўжыня 2—3 м) стужкападобнае, з асобных членікаў. На галоўцы 4 прысоскі, кароткі хабаток з 2 радамі кручкоў (адсюль назва «узброены»). Маюць скурна-мышачны мяшок з эпітэлію і шматслойных мышцаў, напоўнены парэнхімай. Ёсць нервовая і выдзяляльная сістэмы. Пажыўныя рэчывы ўсмоктвае ўсёй паверхняй цела.

Жыццёвы цыкл

Гермафрадыт. Развіццё са зменай гаспадароў. Палаваспелы жыве ў кішэчніку чалавека (канчатковы гаспадар). Спелыя яйцы, у якіх знаходзіцца лічынка — анкасфера, выдзяляюцца з калам. Свінні, сабакі, кошкі і іншыя жывёлы (прамежкавыя гаспадары) заражаюцца пры заглынанні яец паразіта, разам з забруджаным кормам. У кішэчніку жывёл анкасферы вызваляюцца ад абалонак, па крыві трапляюць у мышцы, ператвараюцца ў цысты-цэркі (фіны). Чалавек можа быць і прамежкавым гаспадаром. Пры заглынанні яец паразіта ў чалавека ўзнікае цыстыцэркоз.

Літаратура

• Гусева І. Свіны цэпень // Энцыклапедыя прыроды Беларусі / гал. рэд. І. П. Шамякін. У 6 т. Т. 4. — Мн.: БелСЭ, 1985.