Свіраны (Баранавіцкі раён)

У паняцця ёсць і іншыя значэнні, гл. Свіраны.

Свіра́ны^[1] (трансліт.: Svirany, руск.: Свираны) — вёска ў Баранавіцкім раёне Брэсцкай вобласці. Уваходзіць у склад Жамчужненскага сельсавета. Размешчаны за 27 км на паўночны захад ад Баранавічаў, за 8 км ад чыгуначнай станцыі Палонка на лініі Баранавічы — Ваўкавыск, за 3 км ад ракі Ісы.

Вёска Свіраны Краіна Беларусь Вобласць Брэсцкая Раён Баранавіцкі Сельсавет Жамчужненскі Каардынаты 53°11′11″ пн. ш. 25°43′03″ у. д.HGЯO Насельніцтва ▼175 чал. (2009) Часавы пояс UTC+3 Тэлефонны код +375 163 Паштовыя індэксы 225333 Аўтамабільны код 1 СААТА 1204815061 Свіраны на карце Беларусі ±

Гісторыя

У 1664 г. згадваецца ў складзе Слонімскага павету ВКЛ^[2].

У 1909 годзе вёска ў Люшнеўскай воласці Слонімскага павета Гродзенскай губерні, дзейнічала царкоўна-прыходская школа. Побач з вёскай знаходзіўся аднайменны маёнтак (15 жыхароў).

З 1921 года ў складзе Польскай Рэспублікі, у Люшнеўскай гміне Слонімскага павета.

З 1939 года ў складзе БССР.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінула 14 вяскоўцаў.

Да 22 сакавіка 1962 года вёска ўваходзіла ў склад Палонкаўскага сельсавета^[3], да 18 сакавіка 1985 года — у склад Перхавіцкага сельсавета^[4].

Інфраструктура

• Калгасная сядзіба
• Майстэрні для рамонту сельскагаспадарчай тэхнікі
• Ветэрынарны ўчастак
• Магазін
• Базавая школа
• Клуб
• Бібліятэка
• Фельчарска-акушэрскі пункт

Насельніцтва

• 509 жыхароў (1909)
• 64 дамы, 288 жыхароў (1921)
• 367 жыхароў (1959)
• 469 жыхароў (1970)
• 132 двары, 197 жыхароў (1998)
• 78 гаспадарак, 198 жыхароў (2005)

Памятныя мясціны

• Помнік землякам

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. LVIA, f. SA, b. 3
3. Рашэнні выканкома Брэсцкага абласнога Савета дэпутатаў працоўных ад 15 студзеня і 22 сакавіка 1962 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 19 (978).
4. Решение исполнительного комитета Брестского областного Совета народных депутатов от 18 марта 1985 г. № 177 Об изменении в административно-территориальном делении Барановичского района