Седча (вёска)

У паняцця ёсць і іншыя значэнні, гл. Седча (значэнні).

Не блытаць з Сетча.

Се́дча^[1] (трансліт.: Siedča) — вёска ў Пухавіцкім раёне Мінскай вобласці. Уваходзіць у склад Пярэжырскага сельсавета.

Вёска Седча Краіна Беларусь Вобласць Мінская Раён Пухавіцкі Сельсавет Пярэжырскі Каардынаты 53°40′20″ пн. ш. 27°44′43″ у. д.HGЯO Насельніцтва ▼552 чал. (2019) Часавы пояс UTC+3 Тэлефонны код +375 1713 Паштовыя індэксы 222844 Аўтамабільны код 5 Седча Седча

Седча на Вікісховішчы

Гісторыя

Населены пункт заснаваны ў 1920-я гады ў Беларускай ССР на месцы чыгуначнага раз’езда Пярэжыр.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

Паводле перапісу 1960 года Седча мела статус пасёлка. У 1966 годзе да Седчы далучана вёска Міханавічы і Пасёлак торфапрадпрыемства «Міханавічы». 28 верасня 1967 года да Седчы быў далучаны пасёлак Новы. У 1939 годзе да пасёлка Новы былі далучаны пасёлкі Рог і Дубраўка, а ў 1941 годзе — пасёлкі Іванаўка і Ячанка.

У 1981 годзе ў вёсцы працаваў паўбрыкетны завод.

Інфраструктура

Праз тэрыторыю вёскі праходзіць Мінскае аддзяленне Беларускай чыгункі Мінск — Гомель, знаходзіцца прыпыначны пункт Седча. У 2013 годзе былі фельчарска-акушэрскі пункт, дом культуры, крама.

Насельніцтва

• 1960 год — 161 жыхар; чыгуначная станцыя — 60 жыхароў
• 2002 год — 249 двароў, 620 жыхароў

• 2009 год — 589 жыхароў
• 2019 год — 552 жыхары^[2]