Сенічанята

Сенічаня́та^[2] (трансліт.: Sieničaniata, руск.: Сениченята) — вёска ў Баранавіцкім раёне Брэсцкай вобласці. Уваходзіць у склад Пачапаўскага сельсавета. Размешчана за 38 км на паўночны захад ад Баранавіч, за 7 км ад чыгуначнай станцыі Моўчадзь на лініі Баранавічы—Ліда.

Вёска Сенічанята Краіна Беларусь Вобласць Брэсцкая Раён Баранавіцкі Сельсавет Пачапаўскі Каардынаты 53°20′03″ пн. ш. 25°47′03″ у. д.HGЯO Насельніцтва ▼44 чал. (2009)[1] Часавы пояс UTC+3 Тэлефонны код +375 163 Аўтамабільны код 1 Сенічанята Сенічанята

Гісторыя

У 1909 годзе ў Пачапаўскай воласці Навагрудскага павета Мінскай губерні, працавала народнае вучылішча.

З 1921 года ў складзе Польшчы, у Пачапаўскай гміне Баранавіцкага павета Навагрудскага ваяводства.

З 1939 года ў складзе БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У час Вялікай Айчыннай вайны з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінулі 22 вяскоўцы.

Насельніцтва

• 45 двароў, 265 жыхароў (1909)
• 55 дамоў, 294 жыхары (1921)
• 280 жыхароў (1959)
• 300 жыхароў (1970)
• 81 двор, 114 жыхароў (1998)
• 45 гаспадарак, 71 жыхар (2005)