Серкавіцкі шклозавод

Серкаві́цкі шклозавод — колішняе прадпрыемства, якое дзейнічала ў 1897—1925 гадах ва ўрочышчы Серкавіца Аршанскага павета (сучасны аграгарадок Серкавіцы ў Талачынскім раёне Віцебскай вобласці Беларусі).

Шклозавод вырабляў паўбелае ліставое шкло і бутэлькі. У 1910 годзе працавалі 297 рабочых. Было выраблена 10 тысяч скрынак шкла. У 1913 годзе на завадзе меліся 5 паравых рухавікоў і 2 паравыя катлы.

Літаратура

• Серкавіцкі шклозавод // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 351. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Гаспадарка Беларусі ў час грамадзянскай вайны Архівавана 5 снежня 2021.