Скабіёза жоўтая

Скабіёза жоўтая^[1][2] (Scabiosa ochroleuca) — від кветкавых раслін роду Скабіёза (Scabiosa) сямейства Бружмелевыя (Caprifoliaceae).

Скабіёза жоўтая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Варсянкакветныя Сямейства:  Бружмелевыя Падсямейства:  Варсянкавыя Род:  Скабіёза Від:  Скабіёза жоўтая
Міжнародная навуковая назва
Scabiosa ochroleuca L., 1753
Сістэматыка на Віківідах Выявы на Вікісховішчы ITIS   505044 NCBI   596816 EOL   485064 GRIN   t:105069 IPNI   320032-1 TPL   kew-2593426

Назва

Скабіёза жоўтая, вераднік, каўтуначнік, каўтуннік^[3], палявая скабіоза, папакі, перапялячнік^[4][5], купіна, перапелічнік^[6], гузікі, стараснік^[7], папы^[8][9]

Апісанне

Шматгадовая або двухгадовая травяністая расліна, 20—80 см вышынёй. Кветкі бледна-жоўтыя. Галоўкі пры кветках 2,5—3,5 см у дыяметры, пры пладах яйкападобныя, 2—3 см у дыяметры. Прыкаранёвае лісце чарашковае; хвосцік 1—5 см; ліставая пласцінка пёрыстараздзельная, 5—10 см, з 2—4 парамі сегментаў, або непадзельна. Сцябловае лісце 2—5-парнае, амаль без хвосцікаў або кароткачарашковае, ліставая пласцінка 4—10 см, пёрыстарассечаная або двойчы пёрыстарассечаная . Чашалісцікаў 5, карычнева-жоўтыя, ≈ 4 мм, шчаціністыя. Сямянкі жаўтлявыя, эліпсоідныя, ≈ 2,5 мм, шчацінне да 7 мм. 2n = 16^[10].

Распаўсюджанне

Распаўсюджаны ў Еўропе, Алжыры, ўмеранай Азіі (Турцыя, Казахстан, Манголія, Кітай [пн.-зах. Сіньцзян], Сібір)^[11][12][13].

Ва Украіне від расце ў стэпах, на стэпавых лугах, схілах, на пясках.

Галерэя

• 
  Лісце
• 
  Суквецці
• 
  Кветка/плод
• 
  Суплодзе