Слізні

Слі́зні — шляхецкі род уласнага герба  (руск.) ў Вялікім Княстве Літоўскім.

Слізні
Герб «Слізень»
Падданства	Рэч Паспалітая

Выводзяць паходжанне ад паўлегендарнага Ратшы, чые нашчадкі служылі вялікаму князю Аляксандру Яраславічу, вялікім князям цвярскім і маскоўскім. Некаторыя Слізні перасяліліся ў Вялікае Княства Літоўскае. Паводле некаторых звестак, Івана Андрэевіча Толпыка-Слізеня вялікі князь літоўскі Вітаўт прызначыў намеснікам бранскім.

Вядомыя прадстаўнікі

• Аляксандр (1579—11.1.1651), сын Рыгора, стольнік ашмянскі, староста мядзельскі, выбіраўся паслом на соймы, дэпутатам Трыбунала Вялікага Княства Літоўскага. Як каралеўскі сакратар двойчы ездзіў паслом у Маскву.
  • Аляксандр Казімір (пам. 26 студзеня 1684), падстолі ашмянскі, каралеўскі сакратар, стольнік ашмянскі, віцэ-адміністратар Берасцейскай эканоміі.
    • Стафан Ян (? — да 5.7.1707), рэферэндар вялікі літоўскі з 1705, староста крэўскі, пасол на сойм 1696, маршалак Трыбунала Вялікага Княства Літоўскага ў 1705.
      • Міхал (?—11.11.1760), падканюшы з 1736, староста крэўскі, быў паслом на соймы, дэпутатам Трыбунала Вялікага Княства Літоўскага.
        • Стафан (?—1780?), староста крэўскі, падкаморы слонімскі з 1756, генерал-маёр войска Вялікага Княства Літоўскага
    • Міхал Брунон (? — да 12.5.1729), генеральны стражнік войска ВКЛ з 1698, падстолі ашмянскі ў 1708—1715, пісар скарбовы ВКЛ з 1715.
• Рафал (?—2.6.1817), сын Юзафа, стольнік старадубскі ў 1776—1783, пісар скарбовы ВКЛ у 1781—1782, інстыгатар вялікі літоўскі з 1782, староста крэўскі з 1781, генерал-ад’ютант войска Вялікага Княства Літоўскага.
• Юзаф (? — каля 1856), сын Міхала, бабруйскі маршалак у 1804—1807. У сваім маёнтку Мсціж Барысаўскага павета сабраў вялікую калекцыю манет і скарбаў, мінералаў, прадметаў мастацтва. Заклаў батанічны сад і аранжарэю, меў заапарк.

Літаратура

• Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Генеалагічнае дрэва Слізняў (польск.)