Сморгаўка

Смо́ргаўка (Смарго́ўка) — колішняя вёска і прадмесце Мінска. Месціцца на поўнач ад Пярэспы. Была прыблізна там, дзе цяпер сыходзяцца мінскія вуліцы Прыгарадная, Някрасава, Карастаянавай.

Назва

Найбольш верагодна, што назва таго ж паходжання, што і старое літоўскае прозвішча Смарговіч (Smorgowicz), якое фіксавалася на поўдні ад Вільні.^{[крыніца?]}

Гісторыя

У канцы XIX стагоддзя ўрочышча ў Мінску (81 жыхар)^[1] і ўрочышча на поўнач ад Мінска, у Сёмкава-Гарадзецкай воласці Мінскага павета Мінскай губерні (3 двары, 22 жыхары)^[2]. 9 ліпеня 1913 года ў Сморгаўцы адкрылася дача-калонія для жыдоўскіх слабасільных дзяцей пры мінскай супольнасці «Лінас-Гацэдэк»^[3].

За савецкім часам вёска. У 1930-я гады на поўнач ад Сморгаўкі быў хутар Сморгаўцы.

У наш час пра прадмесце нагадваюць Сморгаўскі тракт, пяць Сморгаўскіх завулкаў і Сморгаўскі праезд.

Зноскі

1. Первая Всеобщая перепись населенія Россійской имперіи 1897 г. Минская губернія 1904, с. 1.
2. Ярмоловичъ В. 1909, с. 188.
3. Дата в истории: 98 лет назад в Минске освятили здание дачи-колонии для оздоровления слабосильных дете (руск.). govorim.by (9 чэрвеня 2011). Архівавана з першакрыніцы 10-1-2021. Праверана 10-1-2021.