Стадолішча (Гарадоцкі раён)

У паняцця ёсць і іншыя значэнні, гл. Стадолішча.

Стадо́лішча^[1] (трансліт.: Stadolišča, руск.: Стодолище) — вёска ў Гарадоцкім раёне Віцебскай вобласці Беларусі. Уваходзіць у склад Стадолішчанскага сельсавета.

Вёска Стадолішча Краіна Беларусь Вобласць Віцебская Раён Гарадоцкі Сельсавет Стадолішчанскі Каардынаты 55°33′42″ пн. ш. 30°04′28,10″ у. д.HGЯO Плошча 0,741932 км² Афіцыйная мова беларуская, руская Колькасць двароў 96 Насельніцтва 244 чалавекі (2001) Часавы пояс UTC+3 Тэлефонны код +375 2139 Паштовы індэкс 211552 Аўтамабільны код 2 Стадолішча Стадолішча

Стадолішча на Вікісховішчы

Язэп Драздовіч. Стадолішча. 1919

Геаграфія

За 12 кіламетраў на паўночны ўсход ад горада Гарадок і чыгуначнай станцыі Гарадок, за 49 кіламетраў ад Віцебска, на аўтамабільнай дарозе Гарадок—Мяжа^[2].

Гісторыя

У канцы XVIII стагоддзя Стадолішча вядома ў Езярышчанскім старостве Гарадоцкага павета Полацкай губерні. У сярэдзіне XIX стагоддзя Стадолішча (Сямёнкі) у Болецкай сельскагаспадарчай грамадзе Гарадоцкага павета Віцебскай губерні. У 1864 годзе — дзяржаўная ўласнасць у маёнтку Болецк. У канцы XIX — пачатку XX стагоддзяў у Болецкай воласці Гарадоцкага павета. З 15 лютага 1923 года Стадолішча ў Гарадоцкай воласці Віцебскага павета. З 20 жніўня 1924 года ў Бяскатаўскім сельсавеце Гарадоцкага раёна (Віцебская акруга). У 1925 годзе ў Стадолішчы працавалі шавецкая, кравецкая і шапавальная (выраб валёнак) саматужныя майстэрні. З 1972 года Стадолішча становіцца цэнтрам саўгаса «Смалоўка» (сучаснае КУСГП^[3] «Смалоўка»)^[4]. З 26 сакавіка 1973 года^[5] па чэрвень 2009 года вёска — цэнтр Стадолішчанскага сельсавета.

Насельніцтва

• 16 рэвізскіх душ (1795)^[6]
• 15 жыхароў, 3 двары (1846)^[6]
• 54 жыхары, 10 двароў (1905)^[6]
• 39 жыхароў, 9 двароў (1925)^[6]
• 66 жыхароў (1959)^[6]
• 228 жыхароў (1970)^[6]
• 244 жыхароў, 96 двароў (2001)^[2]
• 227 жыхароў, 93 двары (на 1 студзеня 2002 г.)^[6]

Інфраструктура

• Сярэдняя школа
• Клуб
• Бібліятэка
• Аддзяленне сувязі
• Фельчарска-акушэрскі пункт

Памятныя мясціны

• Помнік 127 землякам, якія загінулі ў Вялікую Айчынную вайну.

Зноскі

1. Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).
2. БелЭн 2002.
3. Камунальнае унітарнае сельскагаспадарчае прадпрыемства
4. Сайт «Фондовый каталог государственных архивов Республики Беларусь» (руск.)
5. Рашэнне выканаўчага камітэта Віцебскага абласнога Савета дэпутатаў працоўных ад 26 сакавіка 1973 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1973, № 12 (1386).
6. Памяць: Гарадоцкі р-н: Гіст.-дак. хронікі гарадоў і раёнаў Беларусі / Укл. С. І. Садоўская: Рэд. кал. Н. А. Бурунова і інш.; Маст. Э. Э. Жакевіч. — Мн.: Беларусь, 2004. — С. 873—874. — 894 с. — 2 500 экз. — ISBN 985-01-0546-1.