Лютненскі сельсавет

Лю́тненскі сельсавет — былая адміністрацыйна-тэрытарыяльная адзінка ў складзе Мсціслаўскага раёна Магілёўскай вобласці. Цэнтр — вёска Лютня.

Лютненскі сельсавет
Краіна	Беларусь
Уваходзіць у	Мсціслаўскі раён
Уключае	14 населеных пунктаў
Адміністрацыйны цэнтр	Лютня
Дата ўтварэння	20 жніўня 1924
Дата скасавання	20 лістапада 2013
Насельніцтва (2009)	1 125
Часавы пояс	UTC+03:00
Код аўтам. нумароў	6

Гісторыя

Утвораны 20 жніўня 1924 года як Старасельскі сельсавет у складзе Мсціслаўскага раёна Калінінскай акругі БССР. Цэнтр — вёска Старое Сяло. З 9 чэрвеня 1927 года ў складзе Аршанскай акругі. Пасля скасавання акруговай сістэмы 26 ліпеня 1930 года ў Мсціслаўскім раёне БССР, з 20 лютага 1938 года — Магілёўскай вобласці. 18 лістапада 1966 года ў склад сельсавета з Падсолтаўскага сельсавета перададзена вёска Леснікі^[1]. 6 красавіка 1973 года скасавана вёска Фастава^[2], у сакавіку 1977 года — вёска Бобрыкі^[3]. 29 мая 1978 года цэнтр сельсавета перанесены ў вёску Лютня, сельсавет перайменаваны ў Лютненскі^[4]. 20 лістапада 2013 года скасаваны, тэрыторыя далучана да Капачоўскага сельсавета^[5].

Насельніцтва

Насельніцтва сельсавета паводле перапісу 2009 года складала 1125 чалавек^[6], з іх 93,9 % — беларусы, 5,8 % — рускія^[7].

Склад

На момант скасавання ў сельсавет уваходзіла 14 населеных пунктаў:

• Банькаўшчына — вёска
• Будагошч — вёска
• Гімбатаўка — вёска
• Дзеснакіта — вёска
• Дубасна — вёска
• Казлоўка — вёска
• Кандратаўск — вёска
• Красная Паляна — вёска
• Красны Бераг — вёска
• Лютня — вёска
• Рассвет — вёска
• Старое Сяло — вёска
• Чарнілава — вёска
• Шамаўшчына — вёска

Зноскі

1. Рашэнне выканкома Магілёўскага абласнога Савета дэпутатаў працоўных ад 18 лістапада 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 1 (1159).
2. Рашэнне выканаўчага камітэта Магілёўскага абласнога Савета дэпутатаў працоўных ад 6 красавіка 1973 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1973, № 12 (1386).
3. Рашэнні выканкома Магілёўскага абласнога Савета дэпутатаў працоўных ад 15 і 29 сакавіка 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1977, № 15 (1533).
4. Рашэнне выканкома Магілёўскага абласнога Савета народных дэпутатаў ад 29 мая 1978 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1978, № 16 (1570).
5. Решение Могилевского областного Совета депутатов от 20 ноября 2013 г. № 23-1 Об изменении административно-территориального устройства некоторых административно-территориальных единиц Могилевской области
6. Насельніцтва населеных пунктаў Магілёўскай вобласці Беларусі паводле перапісу 2009 года
7. Этнічны склад насельніцтва сельсаветаў Беларусі паводле перапісу 2009 года