Стракачы

Стракачы́^[1] (Cleridae) — сямейства насякомых з атрада цвердакрылыя.

Стракачы
Стракач мурашыны (Thanasimus formicarius)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Жукі Падатрад:  Разнаедныя Інфраатрад:  Cucujiformia Надсямейства:  Cleroidea Сямейства:  Стракачы
Міжнародная навуковая назва
Cleridae Latreille, 1802
Сістэматыка на Віківідах Выявы на Вікісховішчы ITIS   113852 NCBI   186087 EOL   7460 FW   69399

Апісанне

Яркія прыгожыя жукі з стракатай афарбоўкай (стракач пчаліны, або пчалажук звычайны). Даўжыня цела 3—24 (да 25^[1]) мм. Цела выцягнутае, укрытае валаскамі, часта з яркімі стракатымі надкрыламі. Галава вялікая. Вусікі з 11 членікамі. Лапкі з 5 членікамі.

Распаўсюджанне

Жукі-стракачы выяўленыя ў Амерыцы, Афрыцы, Еўропе, Азіі і ў Аўстраліі. Усяго ў свеце вядома каля 3500 відаў. У Паўночнай Амерыцы каля 500 відаў. На тэрыторыі Беларусі 8 відаў, часцей трапляюцца стракач мурашыны, або мурашка-жук (Thanasimus formicarius), і стракач пчаліны, або пчалажук звычайны (Trichodes apiarius). Дарослых насякомых можна сустрэць на кветках парасонавых і складанакветных раслін.

Большасць дарослых стракачоў і іх лічынак — драпежнікі^[1]. Сустракаюцца некрафагі^[1]. Некаторыя віды паразітуюць у гнёздах пчол, вос, пашкоджваюць харчовыя прадукты^[1].

Зноскі

1. БелЭн 2002.