Страла-змяя

Страла́-змяя́^[1] (Psammophis lineolatus) — ядавітая змяя з роду Пясчаныя змеі (Psammophis) сямейства Вужовыя (Colubridae).

Страла-змяя
Psammophis lineolatus схапіла маладую Trapelus sanguinolentus
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Паўзуны Падклас:  Дыяпсіды Інфраклас:  Лепідазаўраморфы Надатрад:  Лепідазаўры Атрад:  Лускаватыя Падатрад:  Змеі Інфраатрад:  Alethinophidia Надсямейства:  Colubroidea Сямейства:  Вужовыя Падсямейства:  Colubrinae Род:  Пясчаныя змеі Від:  Страла-змяя
Міжнародная навуковая назва
Psammophis lineolatus Brandt, 1836
Ахоўны статус
Выклікаюць найменшыя асцярогі IUCN 3.1 Least Concern : / 164615
Сістэматыка на Віківідах Выявы на Вікісховішчы ITIS   1081863 NCBI   224566 EOL   790920

Пашырана ў Цэнтральнай і Заходняй Азіі. Жыве ў пустынях і паўпустынях, трапляецца ў гарах на вышыні да 1500^[2] м. У паўднёвых частках арэалу ўпадае ў летнюю спячку. У момант небяспекі можа здзяйсняць скачкі да 30—40 см у вышыню.

Цела тонкае. Даўжыня да 90 см. На спінным баку 4 падоўжныя цёмныя палосы на аліўкава-шэрым фоне, абмежаваныя чорным. Палосы пачынаюцца на шчытках галавы. Брушны бок белы, аднакаляровы, часам з шараватымі, карычняватымі або аліўкава-шэрымі плямамі, якія ў некаторых выпадках зліваюцца ў суцэльную палоску. Луска гладкая. Ядавітыя зубы знаходзяцца на задняй частцы верхняй сківіцы. Рухаецца змяя імкліва. Харчуецца галоўным чынам яшчаркамі, буйнымі насякомымі. Адкладвае 2—6 яек у чэрвені—ліпені. Дзіцяняты з’яўляюцца ў канцы ліпеня — жніўні.

Укус стралы-змяі для чалавека бяспечны^[2], бо яна не можа выкарыстоўваць глыбока размешчаныя ў пашчы атрутныя зубы.