Стрэлкаліст

Стрэлкалі́ст^[1] (Sagittária) — род водных кветкавых раслін сямейства Шальнікавыя (Alismataceae).

Стрэлкаліст
Стрэлкаліст звычайны (Sagittaria sagittifolia)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Шальнікавыя Род:  Стрэлкаліст
Міжнародная навуковая назва
Sagittaria L., Sp. Pl. 2: 993 (1753)
Сістэматыка на Віківідах Выявы на Вікісховішчы ITIS   38903 NCBI   4450 EOL   29168 GRIN   g:10644 IPNI   30006593-2

Батанічнае апісанне

Шматгадовыя водныя або балотныя расліны вышынёй 30—100^[1] см. Лісце ў прыкаранёвай разетцы. Падводнае — стужкападобнай формы, плаваючае — яйкападобнае, на доўгіх чаранках, надводнае — стрэлкападобнае. Кветкі аднаполыя, з белымі або ружовымі пялёсткамі. Плод — шматарэшак. На сталонах часта ўзнікаюць ядомыя клубні, якія маюць да 50 % крухмалу, 8 % цукру^[1].

Арэал

Уключае каля 20 відаў, якія растуць ва ўмераных і трапічных рэгіёнах. Пашыраны ў Амерыцы і Еўразіі. У Японіі і Кітаі культывуецца стрэлкаліст трохлісты (Sagittaria trifolia). На тэрыторыі Беларусі 1 від — стрэлкаліст звычайны, або стрэлкалісты (Sagittaria sagittifolia)^[1].

Экалогія

Трапляецца на балотах, забалочаных лугах, уздоўж берагоў рэк, азёр, часта ўтварае зараснікі.

Зноскі

1. БелЭн 2002.