Трубаўкладачнае судна

Трубаўкладачнае судна, трубаўкладчык — спецыялізаванае судна, прызначанае для пракладкі падводных трубаправодаў^{[1] [2]}). Першае трубаўкладачнае судна было створана ў ЗША ў 1956 годзе для пракладкі трубаправода па марскому дну каля горада Камеран^[1].

Трубаўкладачнае судна
Вырабляе	трубаправод
Медыяфайлы на Вікісховішчы

Трубаўкладчык Audacia. На карме стрынгер (белага колеру)

Трубаўкладчык Seven Navica з барабанам

Спрошчаныя схемы ўкладкі

Бываюць самаходныя і несамаходныя. Корпус трубаўкладчыка мае спрошчаную форму^[1]. Часам у трубаўкладчыкі пераабсталююць баржы або судны іншага тыпу^[1]. Будуюцца трубаўкладачныя судны з корпуса катамараннага тыпу або са стабілізуючымі калонамі, асабліва для раёнаў з суровымі кліматычнымі ўмовамі^[1]. Трубаўкладчыкі са звычайным корпусам працуюць пры хваляванні да 3—4 і ветры да 5—7 балаў, з карпусамі-катамаранамі або са стабілізуючымі калонамі — пры хваляванні да 5—6 і ветры да 7—9 балаў^[1][2].